23 જુલાઈના રોજ બંગાળની ખાડીમાં લો પ્રેશર બની રહ્યું છે. જેને કારણે હવામાન વિભાગ દ્વારા દક્ષિણ ગુજરાતમાં બારે વરસાદની આગાહી કરવામાં આવી છે.
23 જુલાઈએ બંગાળની ખાડીમાં લો પ્રેશર બનશે
હવામાન વિભાગે કરી ભારે વરસાદની આગાહી
દક્ષિણ ગુજરતમાં મેઘરાજા થશે મહેરબાન
રાજ્યમાં સુરત અને વલસાડમાં મેઘરાજા મન મૂકીને વરસ્યા છે. ત્યારે હવામાન વિભાગ દ્વારા હજુ દક્ષિણ ગુજરાતમાં ભારે વરસાદની આગાહી કરવામાં આવી છે. જેમા વલસાડ, નવસારી અને ડાંગમાં ભારે વરસાદ પડેશે., તેમજ તાપી, દાદરા નગર હવેલીમાં પણ ભારે વરસાદ પડવાની શક્યતા છે.
જગતના તાતમાં ખુશીનો માહોલ
મહત્વનું છે કે બંગાળની ખાડીમાં 23 જુલાઈથી લો પ્રેશર બનવાનું છે. જેના કારણે રાજ્યમાં મેઘરાજા મહેરબાન થવાના છે. 23 તારીખથી અમદાવાદ, ગાંધીનગર અને વડોદરામાં હળવો વરસાદ પડી શકે. જેના કારણે જગતના તાતમાં ખુશીનો માહોલ જોવા મળી રહ્યો છે.
મધુબન ડેમમાં 1 લાખ ક્યુંસેક પાણીની આવક
માત્ર વલસાડની વાત કરીએ તો અહીયા મેઘરાજા ગાજવીજ સાથે વરસ્યા છે. સતત છેલ્લા 2 દિવસથી વલસાડમાં વરસાદ પડી રહ્યો છે. જેના કારણે મધુબન ડેમમાં 1 લાખ ક્યુસેક જેટલી પાણીની આવક થઈ ગઈ છે. વરસાદને કારણે નિચાણવાળા વિસ્તારોમાં અહીયા જળબંબાકાર જેવી સ્થિતિ સર્જાઈ છે.
સુરતમાં 8 ઈંચ વરસાદ
બીજીતરફ સુરત શહેર તેમજ ગ્રામ્ય વિસ્તારોમાં ગત મોડી રાતે મેઘરાજાનું આગમન થયું . ધોધમાર વરસાદને કારણે ઘણા બધા વિસ્તારોમાં પાણી ભરાઈ ગયા હતા. જેમા ખાસ કરીને ઓલપાડના કૂડસદ ગામમાં સૌથી વધારે પાણી ભરાઈ ગયા હતા. જેના કારણે ત્યાના લોકોને ભારે હાલાંકીનો સામનો કરવો પડ્યો હતો.