પ્રધાનમંત્રી નરેન્દ્ર મોદી આવતીકાલથી અમેરિકાના પ્રવાસે જઈ રહ્યા છે. PM નરેન્દ્ર મોદી 27 સપ્ટેમ્બર સુધી અમેરિકાના પ્રવાસે રહેશે. આ 7 દિવસના અમેરિકાના પ્રવાસમાં PM મોદી વિવિધ કાર્યક્રમ અને બેઠકોમાં ભાગ લેશે. આમ PM મોદીની અમેરિકા મુલાકાત પર વિશ્વની નજર છે.
પીએમ મોદીના 'હાઉડી મોદી'ના કાર્યક્રમની તડામાર તૈયારી
22 સપ્ટેમ્બરના રોજ પીએમ મોદીનો હ્યૂસ્ટન ખાતે 'હાઉડી મોદી'નો કાર્યક્રમ યોજાવાનો છે. આ કાર્યક્રમમાં પીએમ મોદી ભારતીય નાગરિકોને સંબોધન કરશે. આ કાર્યક્રમમાં પીએમ મોદી સાથે અમેરિકાના રાષ્ટ્રપતિ ડોનાલ્ડ ટ્રમ્પ ઉપસ્થિત રહેશે. હ્યૂસ્ટનના NRG સ્ટેડિયમમાં આ કાર્યક્રમ યોજાવાનો છે. આ કાર્યક્રમમાં અંદાજે 50 હજારથી વધુ લોકો હાજર રહેશે.
પીએમ મોદીને ગ્લોબલ ગોલકીપર એવોર્ડ આપવામાં આવશે
'હાઉડી મોદી' બાદ પીએમ મોદી 24મી તારીખે UNમાં ગાંધીજીની 150મી વર્ષગાંઠને લઇને કાર્યક્રમ યોજાવાનો છે. જેમાં અન્ય દેશના પ્રમુખ ઉપસ્થિત રહેશે. આ સાથે પીએમ મોદીનું ગ્લોબલ ગોલકીપર એવોર્ડ પણ એનાયત કરવામાં આવશે.
પીએમ મોદી અને ટ્રમ્પ વચ્ચે દ્વિપક્ષી બેઠક
'હાઉડી મોદી' કાર્યક્રમમાં પીએમ મોદી અને ડોનાલ્ડ ટ્રમ્પ એક મંચ પર જોવા મળશે. જો કે ત્યારબાદ પીએમ મોદી અમેરિકાના પ્રવાસમાં ટ્રમ્પ સાથે બીજી વખત મુલાકાત કરશે. જેમાં 24 સપ્ટેમ્બરે પીએમ મોદી અને ટ્રમ્પ વચ્ચે દ્વિપક્ષીય બેઠક યોજાશે. જેમાં અનેક કરાર પર સહમતિ થાય તેવી શક્યતા છે.
સંયુક્ત રાષ્ટ્રના 74માં સત્રને પીએમ મોદી સંબોધન કરશે
પીએમ મોદી અમેરિકાના પ્રવાસે જઇ રહ્યાં છે. જ્યાં પીએમ મોદી 27 સપ્ટેમ્બરના રોજ સંયુક્ત રાષ્ટ્ર મહાસભાને સંબોધન કરશે. પીએમ મોદી 74માં સંયુક્ત રાષ્ટ્ર મહાસભાના સત્રમાં જળવાયુ અને આતંકવાદ વિરુધ્ધના કાર્યક્રમને સંબોધન કરશે.
'હાઉડી મોદી' કાર્યક્રમ પહેલા હ્યૂસ્ટનમાં ભારે વરસાદ
અમેરિકામાં 'હાઉડી મોદી' કાર્યક્રમની તૈયારીઓ જોરશોરથી ચાલી રહી છે. જ્યાં પ્રધાનમંત્રી નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ 50 હજારથી વધુ ભારતીયોને સંબોધન કરશે. પરંતુ આ કાર્યક્રમ પહેલાં જ હ્યૂસ્ટનમાં ભારે વરસાદના કારણે તબાહી જોવા મળી છે. જેને લઇને ટેક્સાસના કેટલાંક વિસ્તારમાં ગર્વનરે કટોકટી જાહેર કરી છે.
પીએમ મોદીની કંપનીઓના CEO સાથે બેઠક
અમેરિકા ખાતે પીએમ મોદીના 'હાઉડી મોદી' કાર્યક્રમમાં ઉપસ્થિત રહેશે. જેમાં ટ્રમ્પ અને મોદી એક મંચ પરથી 50 હજારથી વધુ ભારતીયોને સંબોધન કરશે. જો કે પીએમ મોદી યુએસ પ્રવાસમાં 45 કંપનીઓના CEO સાથે બેઠક યોજશે. આમ મંદીમાંથી પસાર થઇ રહેલા ભારતમાં રોકાણ વધારવા માટે પીએમ મોદી વિદેશી કંપનીઓને આકર્ષવાનો પ્રયાસ કરશે.