ઉત્તર પ્રદેશના રામપુરમાં અઝીમનગર પોલીસ સ્ટેશન હદ વિસ્તારના બગડખા ગામમાં રવિવારે ફિલ્મ દ્રશ્યો સર્જાતા લોકોએ જોયા.
યુપીમાંથી ચોંકાવનારો કિસ્સો સામે આવ્યો
પતિ પોતાની પત્નીને પ્રેમીના ઘરે મુકી આવ્યો
લગ્નના ચાર મહિનામાં જ પત્નીની કરતૂત સામે આવી
ઉત્તર પ્રદેશના રામપુરમાં અઝીમનગર પોલીસ સ્ટેશન હદ વિસ્તારના બગડખા ગામમાં રવિવારે ફિલ્મ દ્રશ્યો સર્જાતા લોકોએ જોયા. લગ્નના ચાર મહિના બાદ પતિને ખબર પડી કે, તેની પત્ની કોઈ અન્યને પ્રેમ કરે છે. પણ પરિવારે બળજબરી પૂર્વક તેના લગ્ન કરાવી દીધા. તેના પર પતિએ પત્નીને પ્રેમીના હવાલે કરી દીધી. પત્નીને તેના પ્રેમી પાસે લઈ જતાં પહેલા મિત્રના લગ્નમાં જવાના બહાને પત્નીને દુલ્હનની માફક શણગાર કરવા કહ્યું અને બાદમાં પ્રેમીના ઘરે મુકી આવ્યો અને કહ્યું કે, હવે ક્યારેય મારે ત્યાં આવતી નહીં. ત્યાર બાદ પતિ ત્યાંથી ચાલી નિકળ્યો. હાલમાં બંને ગામના સન્માનિત લોકો બેસીને કોઈ સર્વસામાન્ય હલ કાઢવાની કોશિશ કરી રહ્યા છે.
પ્રેમી ગુમસુમ રહેવા લાગ્યો
પ્રેમિકાના લગ્ન બાદ પ્રેમીએ કેટલાય દિવસ સુધી ખાવાનું પણ નહોતું ખાધું. આ દરમિયાન યુવકે નક્કી કર્યું કે, હવે તે ક્યારેય લગ્ન નહીં કરે. લગ્નના થોડા દિવસ બાદ પતિને ખબર પડી કે, તેની પત્ની કોઈ અન્ય યુવકના પ્રેમમાં છે. હકીકત જાણવા માટે ઘણી વાર સાસરિયે આવ્યો અને લોકો સાથે વાત કરી. પતિને આ વાતની જાણ થતાં બંને વચ્ચે અબોલા રહ્યા.
પતિને થઈ ગઈ જાણ
યુવકે રવિવાર બપોરે પત્નીને કહ્યું કે, મિત્રના લગ્નમાં જવાનું છે. તું દુલ્હનની માફક તૈયાર થઈ જા. પત્ની રાજીખુશીથી તૈયાર થઈ ગઈ અને બાઈક પર બેસી ગઈ. લગભગ એક કલાક ૂાદ બંને પ્રેમીના ગામડે પહોંચ્યા. આ દરમિયાન યુવકે પત્નિના પ્રેમીના ઘરે જઈને બાઈક ઉભું રાખ્યું.
પ્રેમીના ઘરે મુકી આવ્યો
પત્નીને બાઈકમાંથી ઉતારી અને કહ્યું કે, હવે ક્યારેય ઘરે પાછી આવતી નહીં. પતિની વાત સાંભળી પત્ની ચોંકી ગઈ અને આ બાજૂ પ્રેમીના ઘરે પણ હોબાળો થઈ ગયો. પ્રેમિકાને પોતાના ઘરે આવેલી જોઈને પ્રેમીને વિશ્વાસ પણ ન બેઠો કે તે જ આવી છે. પ્રેમીના પરિવારના લોકોએ યુવતીના પરિવારના લોકોને જાણ કરી. થોડી વાર બંને ગામના લોકો આ સમસ્યાનું હલ કાઢવા માટે એકઠા થયા. આ લખાય છે, ત્યાં સુધી ગામમાં પંચાયત બેઠી છે અને કોઈ ઠોસ તારણ કાઢવાની કોશિશ કરી રહ્યા છે.