શૅર બજાર / ઉતાર-ચઢાવ વચ્ચે ઉછાળની સાથે બંધ થયુ બજાર, સેન્સેક્સ 692 પોઇન્ટ અને નિફ્ટી 190 પોઇન્ટ ઉપર ચઢીને બંધ

• સેન્સેક્સ 3934.72 પોઇન્ટ ગગડીને 25,981.24 પર અને નિફ્ટી 1,135.20 પોઇન્ટ નીચે 7,610.25 પર બંધ થયો
• નિર્મલા સીતારમણે કોરોના વાયરસ ફેલાવાને કારણે થનાર નુકશાન માટે સરકારની તૈયારીઓ દર્શાવી

સેન્સેક્સે 692.79 પોઇન્ટ અથવા 2.67 ટકાના ઉછાળ સાથે 26,674.03 પર અને નિફ્ટીએ 190.80 પોઇન્ટ અથવા 2.51 ટકાની ઉછાળ સાથે 7,801.05 પર કારોબાર પૂર્ણ કર્યો. 

આ પહેલા સોમવારે કારોબારના અંત સુધીમાં સેન્સેક્સ 3934.72 પોઇન્ટ ગગડીને 25,981.24 પર અને નિફ્ટી 1,135.20 પોઇન્ટ નીચે 7,610.25 પર બંધ થયો હતો. આ સેન્સેક્સના ઇતિહાસનો સૌથી મોટો ઘટાડો છે.

અર્થવ્યવસ્થાને મદદ આપવા માટે અમેરિકી ફેડરલ રિઝર્વે અમર્યાદિત બોન્ડ ખરીદી કાર્યક્રમની જાહેરાત કરી. એક્સપર્ટ મુજબ, અમેરિકામાં માંગ વધવાની સંભાવનાથી એશિયામાં રોકાણકારોની ભાવનાઓમાં સુધારો થયો. ડોલરની તુલનામાં રુપિયાએ તેજીની સાથે શરૂઆત કરી હતી. એકવાર તે 18 પૈસા મજબૂત થઇને 76.02 પર આવ્યો, પરંતુ ફરી પાછો નુકશાનમાં આવી ગયો. 

નાણા મંત્રી નિર્મલા સીતારમણે કોરોના વાયરસ ફેલાવાને કારણે થનારા નુકશાનની ભરપાઇ માટે સરકારની તૈયારીઓની જાણકારી આપી. ઇનકમ ટેક્સ, જીએસટી ફાઇલિંગ જેવી ઘણી બાબતોમાં રાહત આપવામાં આવી. પેન-આધાર કાર્ડને લિંક કરવાની તારીખ વધારવામાં આવી. નાના ઉદ્યોગો માટે રાહતની જાહેરાત કરવામાં આવી. વિવાદથી વિશ્વાસ સ્કીમને વધારીને 30 જૂન સુધી કરવામાં આવી છે.