અજીબ પ્રસંગ / હળાહળ કળયુગ ! દીકરીના લગ્નનો માંડવો નખાયો હતો, પિતા કરી બેઠા ત્રીજા લગ્ન, જાણો શું બન્યું

• ઝારખંડના રાંચીમાં લગ્નપ્રસંગ થયો જબરો ઘાટ
• દીકરીની જાન આવતા પહેલા પિતાનું લફરુ સામે આવ્યું
• પિતાને દીકરીના લગ્નના માંડવામાં કરવા પડ્યા ત્રીજા લગ્ન

દીકરીની બારાત આવવાની હતી અને તેના એક દિવસ પહેલા જ પિતાના પ્રેમની વાત સામે આવી હતી. ભારે ચકચાર મચી ગઈ હતી અને આખરે ગામ-સમાજના લોકોના દબાણથી આ શખ્સે તેની પ્રેમિકા સાથે લગ્ન કરી લીધા હતા. 

લગ્નપ્રસંગમાં શું બન્યું 

રાંચીમાં 56 વર્ષીય શિક્ષક શિવ પ્રસાદ વૈદ્યને ટ્યુશનમાં આવતી એક વિદ્યાર્થીની સાથે આંખ મળી ગઈ હતી. થોડા સમય સુધી બન્ને વચ્ચે ખાનગીમાં ઈશ્ક ચાલ્યો હતો પરંતુ એક દિવસ તેમની આ પ્રેમકહાની સામે આવી હતી અને તે પણ એવે સમયે કે જ્યારે શિવ પ્રસાદની દીકરીના લગ્ન લેવાયા હતા અને તેની જાન આવવાની હતી અને લગ્નનો માંડવો પણ નખાયો ગયો હતો. આવી સ્થિતિમાં શિવપ્રસાદનું લફરુ બહાર આવતા ગામમાં ચકચાર મચી હતી અને પ્રેમિકા તેમની સાથે લગ્ન કરવા દબાણ કરતી હતી. શિક્ષક શિવપ્રસાદની સામે કોઈ વિકલ્પ નહોતો અને આખરે દીકરીના લગ્નના એક દિવસે શિવપ્રસાદે તેમની પ્રેમિકા સાથે લગ્ન કરી લીધા હતા. શિવપ્રસાદના પ્રેમિકા સાથે ત્રીજા લગ્ન હતા, આ પહેલા તે વાર લગ્ન કરી ચૂક્યો છે. 

યુવતીના પિતાએ પોલીસમાં ફરિયાદ કરી 
વાસ્તવમાં શિવપ્રસાદ ગામની એક યુવતીને ટ્યૂશન ભણાવતો હતો અને આ દરમિયાન યુવતી સાથે તેના પ્રેમમાં પડ્યાં હતા. 
ત્રણ વર્ષ પહેલા એક દિવસ યુવતી ઘરેથી ગુમ થઇ ગઇ હતી. શિક્ષક શિવપ્રસાદ વૈદ્ય પર શંકા જતા તેના પિતાએ સ્થાનિક પોલીસ સ્ટેશનમાં ફરિયાદ નોંધાવી હતી, પરંતુ ત્યારે પોલીસે કોઇ કાર્યવાહી કરી નહોતી. સોમવારે કોઇએ પરિવારને જાણ કરી કે યુવતી છત્તીસગઢના એક ગામમાં છે. શિવ પ્રસાદ વૈદ્યએ તેને ત્યાં ભાડાના મકાનમાં રાખી છે. યુવતીના પરિવારજનોએ ગામ સમાજના લોકોને આ અંગે જાણ કરી હતી. પોલીસને પણ જાણ કરવામાં આવી હતી. પોલીસે શિવ પ્રસાદ વૈદ્યને બોલાવીને પૂછપરછ કરતાં તેણે સત્યની કબૂલાત કરી હતી.

બની ચૂકી છે એક બાળકની માતા 
પ્રસાદે એમ પણ કહ્યું હતું કે, આ યુવતી તેના એક બાળકની માતા પણ બની છે. ત્યારબાદ યુવતીને છત્તીસગઢથી લાવવામાં આવી હતી. ત્યારબાદ મંગળવારે બારાત કાઢીને આ વિસ્તારના બાબા મગરદહ મહાદેવ મંદિરમાં બંનેના લગ્નનું આયોજન કરવામાં આવ્યું હતું. પોલીસ સાથે ગામ અને સમાજના સેંકડો લોકો હાજર રહ્યા હતા.