પંચાયત ચૂંટણીમાં ઉત્તર પ્રદેશના બરેલી જિલ્લામાં એવો મામલો સામે આવ્યો છે સાંભળીને ચોંકી ઉઠશો.
મામલો નવાબગંજ બ્લોકના ગજરૌલા ગામનો છે
આરઓએ જીતનું સર્ટિફિકેટ પણ જાહેર કરી દીધું
રાજ્ય ચૂંટણી આયોગની વેબસાઈટ દ્વારા થઈ જાણ
યુપીના બરેલીમાં મહિલા માટે આરક્ષિત સીટ પર પુરુષ ઉમેદવારે ન ફક્ત ઉમેદવારી નોંધાવી પરંતુ તેમાં જીત પણ મેળવી લીધી. આ મામલો નવાબગંજ બ્લોકના ગજરૌલા ગામના પંચાયત વોર્ડ નમ્બર-16નો છે. જાણકારી અનુસાર બીડીસીના આ વોર્ડમાંથી સૂરજ મુખી, મિથલેશ કુમારી, ફૂલબાનો, મીરા દેવી, રાજો અને જીનત બાનો મહિલાઓ ઉપરાંત પુરુષ ઉમેદવાર ખ્યાલી રામે પણ ઉમેદવારી પત્ર ભર્યું હતું. જ્યારે આ વોર્ડ તો ફક્ત મહિલાઓ માટે જ આરક્ષિત હતો.
ચોંકાવનારી વાત એ છે કે ઉમેદવારી પત્રોની તપાસમાં પણ રિટનિંગ ઓફિસરે ખ્યાલી રામનું ફોર્મ રદ્દ ન કર્યું પરંતુ તેને સ્વીકારી પણ લીધુ. ચૂંટણી ચિન્હ પણ ફાળવી દીધુ. પરિણામે ખ્યાલી રામ 271 વોટોથી ચૂંટણી જીતી પણ ગયા. વાત આટલામાં પુરી નથી થઈ જતી ઉપરતી આરઓને ખ્યાલી રામને જીતનું પ્રમાણપત્ર પણ ઈશુ કરી દીધું.
આ રીતે આવી સમગ્ર હકીકત સામે
શરૂઆતમાં સૌએ આ વોર્ડનું આરક્ષણ મહિલા માટે તે જોઈ લીધું હતું પરંતુ ખ્યાલી રામે ઉમેદવારી નોંધાવી તો બધાને એવુ લાગ્યું કે કદાચ આરક્ષણમાં કોઈ ફેરફાર કરવામાં આવ્યો હશે. ચૂંટણી હારેલી મહિલા ઉમેદવારે કહ્યું કે ખ્યાલી રામના ફોર્મ પર એટલા માટે જ આપત્તિ ન હતી નોંધાવી. અમુક લોકોએ ચૂંટણી બાદ રાજ્ય ચૂંટણી આયોગની વેબસાઈટ પર જોયું તો જાણકારી મળી કે આ વોર્ડ મહિલાઓ માટે આરક્ષિત છે.
ચૂંટણી આયોગને કરવામાં આવી ફરિયાદ
ગજરૌલા ગામના અમુક લોકોએ હવે આ મામલાની ફરિયાદ રાજ્ય ચૂંટણી આયોગ અને ડીએમને કરી. ગામના જ કૃષ્ણ અવતારની તરફથી કરવામાં આવેલી ફરિયાદમાં આ વોર્ડની ચૂંટણી ફરી કરવાની માંગ કરવામાં આવી છે.