સિંહ સાથે હથિયાર વગર લડ્યો યુવકઃ સિંહનો ખાત્મો બોલાવી દીધો

અહીં હોર્સ ટુથ માઉન્ટેન વિસ્તારમાં એક યુવકે પહાડી સિંહને ગળું દબાવીને મારી નાખ્યો. આ ઘટનામાં યુવક ખુદ પણ ગંભીર રીતે જખ્મી થયો છે.

પાર્ક એન્ડ વાઇલ્ડ લાઇફ વિભાગની પ્રવક્તા રેબેકા ફરેલે યુવકની ઓળખ આપવાનો ઇનકાર કર્યો છે. વિભાગની તપાસ ટીમે જણાવ્યું કે યુવક પર હુમલો કરનાર સિંહનું મૃત્યુ દમ ઘુંટાવાથી થયું હતું.

વન્ય જીવ વિભાગનું કહેવું છે કે ઉત્તરીય કોલોરાડોમાં યુવક રનિંગ કરતાે પોતાના ઘરે જઇ રહ્યો હતો ત્યારે તેની પાછળ કોઇ જાનવરનો અવાજ સંભળાયો. જાનવરનો અવાજ સંભળાતા તેણે પાછળ વળીને જોયું તો એક પહાડી સિંહ હતો.

યુવકે કંઇ સમજે તે પહેલા સિંહે તેના પર હુમલો કર્યો.  સિંહે તે યુવકના ચહેરા અને હાથને જખ્મી કર્યા. તેણે ખુદને સિંહની ચુંગાલમાંથી છોડાવી દીધો અને ગળું દબાવીને તેની હત્યા કરી. તેણે સિંહને ત્યારે છોડ્યો જ્યારે તેનો શ્વાસ બંધ થઇ ગયો. સિંહની ઉંમર એક વર્ષ કરતાં પણ ઓછી હતી.

પાર્ક એન્ડ વાઇલ્ડ લાઇફ વિભાગની પ્રવક્તા રેબેકા ફરેલે કહ્યું કે આ કેસમાં યુવકે એ જ કર્યું જેની સલાહ નિષ્ણાતો આપતા હોય છે. નિષ્ણાતોનું કહેવું છે કે સિંહ હુમલો કરે ત્યારે ભાગવાના બદલે જે વસ્તુ તમારી પાસે છે તેનાથી જ મુકાબલો કરો.

તમે થેલા અને ચાવીઓના ગુચ્છાને પણ હથિયાર બનાવી શકો છો પરંતુ આ કેસમાં યુવક પાસે કોઇ સામાન ન હતો.