ઈલન મસ્ક 21મી સદીના સૌથી પ્રભાવશાળી વ્યક્તિઓમાંના એક છે. જેમણે આ વખતે કંઇક નવો જ ચમત્કાર કરી બતાવ્યો છે. તેમણે એક જ મહિના 94,500 કરોડ રૂપિયા કમાઈને બતાવ્યાં છે અને હાલ તે દુનિયાના 22માં સૌથી ધનવાન વ્યક્તિ બની ગયા છે.
ઈલન મસ્કે મહિનામાં 94,500 કરોડ રૂપિયાની કમાણી કરી લીધી
ટેસ્લાના શેરમાં 86%નો વધારો
ઈલન મસ્કની કુલ સંપતિ 3.08 લાખ કરોડે પહોચી ગઈ છે
ટેસ્લાના ફાઉન્ડર ઈલન મસ્ક કમાણીની વાતમાં ચમત્કાર કરી દીધો છે. તેમણે એક મહિનામાં 94,500 કરોડ રૂપિયાની કમાણી કરી લીધી છે. અને અરબપતિઓની યાદીમાં 35માં સ્થાનથી સીધા 22માં સ્થાન પર આવી ગયા.
જો તમને કોઈ એવો સવાલ કરે કે દુનિયાની કઈ એવી વ્યક્તિ છે જે એક મહિનામાં 94,500 કરોડ રૂપિયાની કમાણી કરી શકે તો તમારો જવાબ હશે કે આ કમાલ તો માત્ર એમેઝોનના માલિક જેફ બેઝોઝ જ કરી શકે. પરંતુ તમારો જવાબ ખોટો હશે. કારણ કે દુનિયામાં આવા ધુરંધરો ઓછા નથી. જે તમારા વિચારોને પણ બદલી શકે છે. તેવું જ કાર્ય ટેસ્લાના માલિક ઈલન મસ્કે કરી બતાવ્યું છે.
મસ્કે બદલી નાખી લોકોની વિચારધારા
આ વાત પર કોઈ હેરાની નથી કે અરબપતિની સંપતિમાં દિવસેને દિવસે વધારો થતો જાય છે. પરંતુ એક મહિનામાં 94,500 કરોડ કમાવવા મુશ્કેલ છે. જેફ બેઝોઝને વર્ષની શરૂઆત સારી રહી છે. જાન્યુઆરીમાં તેમની સંપતિમાં 63000 કરોડનો વધારો થયો છે. જ્યારે ઈલન મસ્કે મહિનામાં જ 94,500 કરોડ કમાઈ લીધા.
ટેસ્લાના શેરમાં 86%નો વધારો
બ્લુમબર્ગ દ્વારા જાહેર કરેલા આંકડા મુજબ સોમવારે ટેસ્લાના શેરમાં 20% વધીને 780 ડોલર (54,600 રૂપિયા) પર પહોંચી ગયો છે. જે 2013 બાદ સૌથી વધુ એકદિવસમાં શેરનો ભાવ વધ્યો છે. પાછળના પાંચ અઠવાડિયામાં ઇલેક્ટ્રિક વાહન બનાવતી કંપનીના શેરમાં 86% નો વધારો થયો છે. આ વધારા સાથે જ ઈલન મસ્કની કુલ સંપતિ 13.5 અરબ ડોલર વધી ગઈ છે.
22માં સૌથી ધનવાન વ્યક્તિ ઈલન મસ્ક
જણાવી દઈએ કે ઈલોન મસ્ક દુનિયાભરના અરબપતિઓની યાદીમાં સૌથી ધનવાન વ્યક્તિ તરીકે 35માં સ્થાન પર હતા. પરંતુ હાલ તેમની સંપતિમાં વધારો થયા બાદ હવે તે 22માં સ્થાન પર આવી ગયા છે. તેમણે માઈકલ ડેલ, કૈસીનો મૈગનેટ, શેલ્ડન અલ્ડેસન અને નાઈકી ફાઉંન્ડર ફિલ નાઈટ સહિત ઘણા અરબપતિઓને પાછળ છોડી દીધા છે. બ્લુમબર્ગ બિલીયનર ઇન્ડેક્સના મુજબ વર્તમાનમાં ઈલન મસ્કની કુલ સંપતિ 3.08 લાખ કરોડે પહોચી ગઈ છે.