LPG ગેસ સિલિન્ડર બુકિંગ બાદ તમને 2-4 દિવસની રાહ જોવી પડતી હતી પરંતુ હવે તમારે રાહ જોવાની જરૂર નહી પડે. સરકારી તેલ કંપની ઇન્ડિયન ઓઇલે LPGની તત્કાલ સેવા શરૂ કરવાનો પ્લાન બનાવ્યો છે, જેના કારણે તમને અડધા કલાકમાં જ ગેસ સિલિન્ડર મળી જશે. એટલે કે તમે જે દિવસે ગેસ સિલિન્ડર બૂક કરશો તે જ દિવસે તમને સિલિન્ડર મળી જશે.
ગેસ સિલિન્ડર 30 મિનીટમાં પહોંચી જશે
ગ્રાહકોને આ સુવિધાથી થશે ફાયદો
1 ફેબ્રુઆરીથી શરૂ થશે આ સેવા
30થી 45 મિનીટની અંદર મળશે સિલિન્ડર
સૂત્રો અનુસાર, IOC દરેક રાજ્યમાં એક શહેર કે જિલ્લો સિલેક્ટ કરશે અને ત્યાં પહેલા આ સેવા શરૂ થશે. આ સેવા અંતર્ગત ગ્રાહકોને 30થી 45 મિનીટની અંદર જ ગેસ સિલિન્ડર મળી જશે. સરકારી તેલ કંપનીએ કહ્યું આના પર કામ ચાલી રહ્યું છે અને જલ્દીજ આ સુવિધાને ફાઇનલ રૂપ આપવામાં આવશે.
IOCએ જણાવ્યું કે કંપનીની આ પહેલ અમારા પ્રતિસ્પર્ધી કંપનીથી અમને અલગ પાડશે. કંપનીના અધિકારીઓએ જણાવ્યું કે આ સેવા 1 ફેબ્રુઆરીથી શરૂ થશે તેવી હાલ પૂરતી ગણતરી છે.
IOCના 14 કરોડ ગ્રાહક છે
IOC ઇન્ડેન બ્રાંડના નામથી પોતાના ગ્રાહકોને સિલિન્ડર ઉપલ્બ્ધ કરાવે છે. તમને જણાવી દઇએ કે દેશમાં 28 કરોડ એલપીજી ગ્રાહક છે જેમાંથી 14 કરોડ ગ્રાહક ઇન્ડેન ગેસનો ઉપયોગ કરે છે.
આ સર્વિસ માટે કેટલો આપવો પડશે ચાર્જ
IOCના અધિકારીઓએ જણાવ્યું કે આ યોજના Tatkal LPG અથવા 'single day delivery service' નો ફાયદો લેવા માટે ગ્રાહકોને કેટલીક કિંમત પણ આપવી પડશે. કેટલો ચાર્જ આપવો પડશે તેના પર હાલ કોઇ જ વાત થઇ નથી પરંતુ એક અમાઉન્ટ ફિક્સ થશે બાદમાં ગ્રાહકોને આ વાતની જાણકારી આપી દેવામાં આવશે.
SBCથી ગ્રાહકોને થાય છે મુશ્કેલી
મહત્વનું છે કે, ગ્રાહક પાસે એક સિલિન્ડર એટલે કે સિંગલ બોટલ ખલાસ થઇ જવા પર તેમને ઘણી મુશ્કેલીનો સામનો કરવો પડે છે. જેના કારણે આ સુવિધા તેમને લાભ આપશે.