ના હોય / ગર્લફ્રેન્ડને મળવા પહોંચેલા પ્રેમીને આખી રાત પ્રેમિકાના ઘરવાળાએ માર્યો ઢોર માર, સવારે જે બન્યું તે ચોંકાવનારુ

• પ્રેમિકાને મળવા જતાં પકડાઇ ગયો પ્રેમી
• આખી રાત મારવામાં આવ્યો ઢોર માર 
• સવાર પડતાં જ કરાવી દીધા લગ્ન 

પકડાઇ ગયો પ્રેમી 
પ્રેમિકાને મળવા પહોંચેલો પ્રેમી પકડાઇ ગયો ત્યારે છોકરીના ઘરવાળાઓએ તેને ઢોર માર માર્યો અને સવાર પડતાની સાથે જ તેને પોલીસને સોંપી દેવામાં આવ્યો. કેસથી બચવા માટે કેટલાક લોકોએ તેમનું સમાધાન કરાવી દીધુ હતું. આખી રાત જે પ્રેમીને માર મારવામાં આવ્યો તેને સવારે જમાઇ બનાવી લેવામાં આવ્યો. 

આ કિસ્સો રામપુરના અજીમનગરના એક ગામનો છે. જ્યાં પ્રેમિકા રહે છે. બીજા એક ગામના યુવાનને આ છોકરી સાથે અફેર હતું. પ્રેમી અવાર નવાર તેની પ્રેમિકાને મળવા આવતો હતો અને તે દિવસા પણ યુવક રાત્રે 12 વાગે તેની પ્રેમિકાને મળવા આવ્યો હતો. 

જ્યારે પ્રેમિકાના ઘરના લોકોને અવાજ સંભળાયો ત્યારે તેઓ સતર્ક થઇ ગયા અને ચૂપ ચાપ શું થઇ રહ્યું છે તે જોયું, તે જોયા બાદ દરેકના હોશ ઉડી ગયા. પ્રેમીને પકડીને તેની ધોલાઇ કરવાની શરૂ કરી દીધી અને સમગ્ર મામલો પોલિસ સ્ટેશન પહોંચી ગયો હતો. 

પોલીસ અધિકારીના જણાવ્યા અનુસાર, કેસ પોલીસ સ્ટેશનમાં આવતા જ પોલીસે યુવકને બોલાવ્યો અને બંને લોકોના માતા-પિતાને બોલાવ્યા હતા. આમને સામને બેસાડીને બંને પરિવારોની વાતચીત કરાવવામાં આવી હતી. 

જે બાદ બંને પરિવાર લગ્ન માટે રાજી થઇ ગયા હતા અને અજીમનગરના એક મંદિરમાં બંનેના લગ્ન કરાવી દીધા હતા.