અંધશ્રદ્ધા / અંધવિશ્વાસે હદ વટાવી: ખેતરમાં કામ કરતી મા-દીકરીને ડાકણ કહી મારી, માંસ ખાવા લાગ્યા શખ્સો

• ઝારખંડના ગુમલા જિલ્લામાં અંધશ્રદ્ધાએ તમામ હદો પાર કરી નાખી
• બે મહિલાઓ પર તેના સંબંધીઓ દ્વારા જીવલેણ હુમલાનો પ્રયાસ
• આરોપીઓએ બે મહિલાઓને ડાકણ કહી તેની સાથે કરી મારામારી

ગુમલા જિલ્લાના ઘાઘરા પોલીસ સ્ટેશન સ્થિત ગમ્હરિયા ગામમાં મેલીવિદ્યાના આરોપમાં 45 વર્ષીય તેમ્બો ઉરાંવ અને તેના કાકી સાસુ બિપૈત ઉરાંવ પર તેના સંબંધીઓ દ્વારા જીવલેણ હુમલો કરવામાં આવ્યો અને એક આરોપીએ તો મહિલાને દાંત વડે પકડી લીધી.

આ કેસની તપાસ ચાલુ, આરોપી ફરાર

આસરો ગામની રહેવાસી સરિતા દેવીએ ડાકણ કહીને જાનથી મારી નાખવાના આરોપ હેઠળ શનિવારે આરોપીઓ વિરુદ્ધ કેસ નોંધાવ્યો છે. જેમાં તેમના ગામના ફગુવા ગોપ, પવન ગોપ અને પંકજ ગોપને આરોપી બનાવ્યો છે. ગ્રામજનોના જણાવ્યાં મુજબ, હુમલાવરોનું કહેવુ હતુ કે બંને મહિલાઓએ મેલીવિદ્યાના નામે આખા ગામને બરબાદ કરી નાખ્યું છે. મહિલાના શરીરમાં દાંત દ્વારા બચકા ભરી માંસ ખાનારા આરોપીની ઓળખ ચામુ ઉરાંવ તરીકે થઇ છે.  પીડિત મહિલાઓએ પોલીસ સ્ટેશનમાં લેખિત ફરિયાદ કરી પોતાનો જીવ બચાવવાની અપીલ કરી છે. તો પોલીસ સ્ટેશનના પ્રભારીએ જણાવ્યું કે આ કેસની તપાસ થઇ રહી છે. આ અંગે ગ્રામજનોની પૂછપરછ થઇ રહી છે. આરોપી ફરાર છે અને તેને પકડી લેવામાં આવશે.

મેલીવિદ્યાના આરોપમાં મહિલાઓ સાથે કરી મારામારી

પીડિત મહિલાઓએ કહ્યું છે કે જ્યારે મારામારી વધી ગઇ ત્યારે ગ્રામજનોએ વચ્ચે પડીને બંને મહિલાઓને છોડાવી. ત્યાં સુધી બંને મહિલાઓ ઘાયલ થઇ ગઇ હતી. બિપૈતે જણાવ્યું કે ચામુ ઉરાંવે તેને દાંતથી બચકા ભરી ઘાયલ કરી નાખી. બંનેની હત્યા કરવાનો પણ પ્રયાસ થયો. ઘાયલ મહિલાઓએ કહ્યું કે ડાયનના આરોપમાં તેમની સાથે મારામારી કરવામાં આવી છે. પીડિતા દ્વારા ઘાઘરા પોલીસ સ્ટેશનમાં લેખિત ફરિયાદ કરવામાં આવી છે. બીજી તરફ આ સમગ્ર મામલે પોલીસ તપાસ કરી રહી છે. એસએચઓ અભિનવકુમારે જણાવ્યું કે આ અંગે પ્રાથમિક ફરિયાદ નોંધવામાં આવી છે. ઘટનાની તપાસ ચાલી રહી છે. દોષિત આરોપીઓને છોડાશે નહીં. તેમણે વધુમાં કહ્યું કે મેલીવિદ્યાના નામે હત્યા કરવી આ ગંભીર ગુનો છે. લોકોમાં જાગૃતિનો અભાવ છે. પોલીસ ગામે-ગામે જઇને લોકોને જાગૃત કરવાનો પ્રયાસ કરી રહી છે.