હાર્ટએટેકથી અવસાન પામેલા બોલિવુડના દિગ્ગજ ફિલ્મ ડિરેક્ટર સતિશ કોશિકના મુંબઈના સ્મશાનગૃહમાં અંતિમ સંસ્કાર કરી દેવાયા હતા.
ફિલ્મ ડિરેક્ટર સતિશ કોશિકના મુંબઈમાં અંતિમ સંસ્કાર
નનામીને કાંધ આપતી વખતે બોલિવુડ સ્ટાર્સ રડ્યાં
સવારમાં હાર્ટએટેકથી થયું હતું નિધન
મુંબઈના વર્સોવા સ્મશાનગૃહમાં પરિવાર રહ્યો હાજર
હાર્ટએટેકથી અવસાન પામેલા બોલિવુડના દિગ્ગજ ફિલ્મ ડિરેક્ટર સતિશ કોશિકના મુંબઈના સ્મશાનગૃહમાં અંતિમ સંસ્કાર કરી દેવાયા હતા. 66 વર્ષીય સતિશ કોશિકનું સવારમાં હાર્ટએટેકથી અવસાન થયું હતું.
સલમાન ખાન થયો ભાવુક
જાવેદ અખ્તરથી લઇને સલમાન ખાન સુધી મોટા મોટા સેલેબ્સ એક્ટરને વિદાય આપવા માટે આવ્યા હતા. સતિશ કોશિક સલમાન ખાનના ખાસ મિત્ર હતા. અભિનેતાની વિદાયનું દુ:ખ ભાઈજાનના ચહેરા પર સ્પષ્ટ દેખાઈ રહ્યું છે.
નનામીને કાંધ આપતી રડ્યાં બોલિવુડ કલાકારો
કોશિકની નનામીને કાંધ આપતી વખતે મોટાભાગના બોલિવુડ કલાકારોની આંખમાં આંસુ હતા. તેઓ કલ્પી પણ નહોતા શકતા કે સતિશ કોશિક જેવા હવે તેમની વચ્ચે નથી. સતીશ કૌશિકના પાર્થિવ દેહને લઈને એક ચાર્ટર્ડ ફ્લાઈટ મુંબઈ આવી પહોંચી હતી.
Anupam Kher to Salman Khan, Ranbir Kapoor: B-town celebs bid emotional adieu to veteran actor Satish Kaushik
66 વર્ષની વયે હાર્ટ એટેકથી મોત
બોલિવુડના પ્રખ્યાત એક્ટર અને જાણીતા ડાયરેક્ટર સતીશ કૌશિકનું 66 વર્ષની વયે નિધન થયું છે. જે અંગે તેમની નજીકના મિત્ર અને અભિનેતા અનુપમ ખેરે ટ્વિટ કરીને આ દુઃખદ સમાચારની જાણકારી આપી છે. તેઓએ ટ્વિટ કરીને લખ્યું છે કે, 'હું જાણું છું કે મૃત્યુ આ દુનિયાનું અંતિમ સત્ય છે. પણ મે સપનામાં પણ વિચાર્યું ન હોતું કે હું જીવતો રહીને મારા ખાસ મિત્ર સતીશ કૌશિક વિશે આ લખીશ.
મૃત્યુના એક દિવસ પહેલા રમી હતી હોળી
હાલ સૌથી ચોંકાવનારી વાત એ છે કે સતીશ કૌશિક એમના મૃત્યુના એક દિવસ પહેલા સુધી તેઓ એકદમ સ્વસ્થ હતા અને સોશિયલ મીડિયા પર પણ એક્ટિવ હતા. જણાવી દઈએ કે 7 માર્ચે મુંબઈના જુહુમાં શબાના આઝમીના ઘરે હોળી પાર્ટીમાં હાજરી આપી હતી અને સતીશ કૌશિકે પોતાના નજીકના મિત્રો સાથે હોળીની ઉજવણી કરી હતી. સાથે જ એમને એક દિવસ પહેલા જ સોશિયલ મીડિયા હેન્ડલ પર હોળીની ઉજવણીની તસવીરો પણ શેર કરી હતી. નોંધનીય છે કે સતીશ કૌશિકની હોળી સેલિબ્રેશનમાં બપોર સુધી ખૂબ એન્જોય કર્યું હતું અને પછી દિલ્હી જવા રવાના થયા હતા.