નામંજૂર / સરકારે આ કંપનીને ચીની કંપની સાથે ડીલની મંજૂરી ન આપી, ભારતમાં રહેલો છેલ્લો પ્લાન્ટ થશે બંધ

• ભારતમાં થઇ જશે આ કંપની બંધ 
• ચીન સાથે ડિલની મંજૂરી ન મળી 
• આર્થિક નુકસાનનો કરવો પડશે સામનો 

ચીન સાથે થયો કરાર 
અમેરિકાની આ કંપની જનરલ મોટર્સે પોતાના ભારતના પ્લાંટને વેચવા માટે ચીનની એક મોટી કંપની સાથે ડિલ કરી છે. કંપનીને અનુમાન હતું કે આ ડિલ આ જ વર્ષે થઇ જશે પરંતુ સીમા પર બારત અને ચીનના વધતા તણાવ વચ્ચે ભારતે રોક લગાવી દીધી હતી. જેનાથી જનરલ મોટર્સનું ઘણુ મોટુ નુકસાન થઇ ગયુ હતુ. 

1966માં શરૂ થયેલી મહારાષ્ટ્ર સ્થિત તાલેંગાવ સ્થિત ફેક્ટ્રી બંધ થયા બાદ લગભગ 1800થી વધારે કર્મચારીઓને આર્થિક નુકસાનનો સામનો કરવો પડશે. જનરલ મોટર્સે પોતાના નિવેદનમાં કહ્યું કે તે દરેક કર્મચારી પ્રત્યે જવાબદાર છે અને જાન્યુઆરી 25 સુધી તે તમામ લોકોને પગાર ચુકવશે. 

અમેરીકી કંપનીએ 2017થી જ પોતાના પ્લાંટમાં પ્રોડક્શન બંધ કરી દીધુ હતુ પરંતુ હવે તે આ કંપની જ વેચી રહ્યાં છે. એપ્રિલ મહિના બાદ ભારતે કેટલાક કડક નિયમો બનાવ્યા હતા અને જેના કારણે આ ડિલમાં મહારાષ્ટ્ર સરકાર નહી પરંતુ કેન્દ્ર સરકારની પરમિશન જરૂર હતી. 

મોટર્સ સાથે કરાર કરનાર ચીની કંપની ગ્રેટ વાલ મોટર્સે ભારતમાં 1 બિલિયન ડૉલર્સના ઇનવેસ્ટમેન્ટની યોજના બનાવી હતી. તેનાથી લગભગ 3000 લોકોને રોજગાર મળી શકે તેમ છે. રિપોર્ટ અનુસાર કેન્દ્ર સરકારથી અનુમતિ બાદ કંપની ભારતમાં ઇનવેસ્ટ કરશે અને પ્લાંટ શરૂ કરશે.