દિલ્હીમાં એક મહિલા પર મારપીટ અને શોષણનો મામલો સામે આવ્યો . આ મહિલા એક ઘરમાં નોકરાણી તરીકે કામ કરતી હતી અને તેના માલિકોએ તેને માર મારીને તેના વાળ પણ કાપી નાખ્યા હતા
દિલ્હીની ચોંકાવનારી ઘટના
ઘરમાં કામ કરતી મહિલાને માલિકે માર્યો માર
પોલીસે આરોપીઓની હાથ ધરી તપાસ
મહિલાઓ ઉપર અત્યાચાર અને હિંસાના કેસમાં વધારો થઇ રહ્યો છે. મહિલાઓની સુરક્ષાને લઇને સવાલો ઉઠી રહ્યા છે. પછી મહિલા ઘરમાં હોયકે ઘરની બહાર. અત્યાચાર અને દુષ્કર્મના કેસ બને છે. ત્યારે દિલ્હીમાં માનવતાને શર્મસાર કરતી એક ઘટના સામે આવી. ઘરમાં કામ કરતી મહિલાને ઘર માલિકે એવો માર માર્યો કે મહિલાને સારવાર અર્થે હોસ્પિટલ ખસેડવી પડી.
48 વર્ષીય મહિલાને માર્યો માર
દિલ્હીના રાજૌરી ગાર્ડનનો આ કિસ્સો છે. જ્યાં પશ્ચિમ બંગાળના સિલીગુડીની રહેવાસી 48 વર્ષીય મહિલાને તેના માલિકોએ અત્યાચાર ગુજાર્યો હતો. પોલીસના જણાવ્યા અનુસાર આ ઘટના રવિવારે બની હતી પરંતુ હવે તે સામે આવી છે. હાલ મહિલા સારવાર હેઠળ છે અને તેના પરિવારજનોને આ અંગે જાણ કરવામાં આવી છે.
ઘરમાં કામ કરતી મહિલાનું શારિરિક શોષણ
વધુ માહિતી આપતાં દિલ્હી પશ્ચિમના ડેપ્યુટી કમિશનર ઑફ પોલીસ ઘનશ્યામ બંસલે જણાવ્યું હતું કે સફદરજંગ હોસ્પિટલમાંથી 17 મેના રોજ મેડિકલ કાનૂની કેસ અંગે એક મહિલા વિશે માહિતી મળી હતી. મેડિકલ લીગલ કેસ મુજબ પીડિતા સાથે મારપીટ કરવામાં આવી હતી ત્યારબાદ તેને હોસ્પિટલમાં લાવવામાં આવી હતી. માહિતી બાદ પોલીસ હોસ્પિટલ પહોંચી અને પીડિતાનું નિવેદન નોંધ્યું. પોતાના નિવેદનમાં પીડિતાએ ઘરના માલિક અને તેની પત્ની પર માર મારવાનો અને વાળ કાપવાનો આરોપ લગાવ્યો. ઘટનાને પહલે દિલ્હી પશ્ચિમના ડીસીપીએ આરોપી વિરુદ્ધ કેસ નોંધીને વધુ તપાસ હાથ ધરી.
અધમરી હાલતમાં હતી મહિલા
રવિવારે સાંજે ઘર માલિકે ફોન કરીને પ્લેસમેન્ટ એજન્સીને ફોન કરીને જણાવ્યું કે મહિલા બીમાર છે તેને ઘરે લઇ જાઓ. જો કે થોડીવારમાં જ તે લોકો પ્લેસમેન્ટ એજન્સીની ઓફિસમાં મહિલાને મુકી આવ્યા.આ સમયે મહિલા બેહોશ હતી. એને બેરહેમીથી માર મારવામાં આવ્યો હતો. મહિલાની સ્થિત જોઇને તેને તાત્કાલિક હોસ્પિટલમાં સારવાર માટે લઇ જવાઇ. મહિલાએ જણાવ્યું કે તેને એક રુમમાં પુરી રાખવામાં આવી હતી. માર મારવામાં આવતો અને વાળ પણ કાપી નાંખતા હતા.
ઘણી જગ્યાએ ઈજાના નિશાન છે
જ્યારે મહિલાનું સફદરજંગ હોસ્પિટલમાં મેડિકલ કરવામાં આવ્યું ત્યારે તેના રિપોર્ટમાં ખુલાસો થયો કે મહિલાનું શારીરિક શોષણ થયું હતું, તેના માથા પર ઈજાના નિશાન પણ છે. આ સિવાય આંખો, ચહેરો, પેટ તેમજ શરીરના અન્ય ભાગો પર ઈજાના નિશાન છે.