ખુશખબર / ધ કશ્મીર ફાઇલ્સ જોવાનું બાકી રહી ગયું? વાંધો નહીં! હવે ઘેર બેઠા જોઈ લેજો, જાણો કઈ રીતે

• ધ કશ્મીર ફાઈલ્સ ઓટીટી પર થશે રિલીઝ 
• ZEE5 પર આવશે ધ કશ્મીર ફાઈલ્સ 
• ડેટને લઈને કોઈ જાણકારી મળી નથી 

કશ્મીરી પંડિતો સાથે થયેલા અન્યાયને ઉઘાડો પાડતી વિવેક અગ્નિહોત્રીની ફિલ્મ 'ધ કશ્મીર ફાઈલ્સ'નાં દુનિયાભરમાં ખૂબ જ વખાણ થઇ રહ્યા છે. આ ફિલ્મના રિલીઝ થતા જ બોકા ઓફિસ પર ધમાકેદાર કમાણી કરી હતી. આવામાં લોકો ઘણા લાંબા સમયથી ફિલ્મના ઓટીટી પર રિલીઝ થવાની રાહ જોઈ રહ્યા હતા. અંતે આ ફિલ્મ હવે ઓટીટી પર રિલીઝ થવા જઈ રહી છે. 

ઓટીટી પર રિલીઝ થશે ફિલ્મ 
ફેન્સની આતુરતા જોઇને મેકર્સે ફિલ્મને ઓટીટી પર રિલીઝ કરવાનો નિર્ણય લીધો છે. થીએટર્સમાં ધમાલ મચાવ્યા બાદ હવે 'ધ કશ્મીર ફાઈલ્સ' ઓટીટી પર ધૂમ મચાવવા માટે તૈયાર છે. આ ફિલ્મ ઓટીટી પ્લેટફોર્મ ZEE5 પર રિલીઝ થશે. જોકે અત્યાર સુધી એ જાણકારી મળી નથી કે ફિલ્મ ક્યારે આવશે. 

 

 

 

 

View this post on Instagram

 

 

 

 

 

 

 

 

 

 

 

A post shared by Vivek Ranjan Agnihotri (@vivekagnihotri)

વિવેક અગ્નિહોત્રીએ આપી જાણકારી 
જાણકારી અનુસાર, ઝી નેટવર્કે આ ફિલ્મના ટીવી રાઈટ્સ પણ ખરીદી લીધા છે અને આ ફિલ્મ મે મહિનામાં ટીવી પર પણ ટેલીકાસ્ટ થઇ શકે છે, પરંતુ અત્યાર સુધી કોઈ ડેટ સામે આવી નથી. આ સમાચાર મળતા જ ફેન્સમાં ખુશીની લહેર છવાઈ ગઈ છે. 

વિવેક અગ્નિહોત્રીએ પોતાના  સોશિયલ મીડિયા અકાઉન્ટ પર એક પોસ્ટ શેર કરી છે, જેમાં તેમણે 'ધ કશ્મીર ફાઈલ્સ'ના ઓટીટી પર રિલીઝ થવા વિષે જાણકારી આપી છે. 

ફિલ્મને અન્ય ભાષાઓમાં પણ કરવામાં આવશે ડબ 
1990માં કહ્મીરી પંડિતો સાથે થયેલા અન્યાયને દર્શાવતી આ ફિલ્મમાં અનુપમ ખેર, પલ્લવી જોશી, મિથુન ચક્રવર્તી અને દર્શન કુમાર જેવા કલાકારો મુખ્ય પાત્રોમાં જોવા મળે છે. ફિલ્મને હાલમાં તમિલ, તેલુગૂ, કન્નડ અને મલયાલમ ભાષાઓમાં ડબ કરવાની તૈયારીઓ ચાલી રહી છે.