બોલીવુડ / The Kashmir Files એ હવે OTT પર પણ મચાવી ધૂમ, જી5 પર વ્યુજનો આંકડો જાણીને વિશ્વાસ નહીં આવે

• ધ કાશ્મીર ફાઈલ્સે મોટા સ્ક્રીન બાદ હવે OTT પર ધૂમ મચાવી
• જી5 ઓટીટી પ્લેટફોર્મ પર સ્ટ્રીમ કરવામાં આવી
• એક અઠવાડિયામાં જી5 પર 90 લાખથી વધુ વ્યુજ મળ્યાં

90 લાખથી વધુ વ્યુજ મળ્યાં

વિવેક અગ્નિહોત્રીના નિર્દેશનમાં બનેલી આ ફિલ્મમાં અનુપમ ખેર, દર્શન કુમાર, પલ્લવી જોશી અને મિથુન ચક્રવર્તીએ મહત્વનો રોલ નિભાવ્યો છે. ધ કાશ્મીર ફાઈલ્સ ફિલ્મ કાશ્મીરી પંડિતોના પલાયન પર બની છે. આ ફિલ્મને ગત 13મેથી જી5 ઓટીટી પ્લેટફોર્મ પર સ્ટ્રીમ કરવામાં આવી રહી છે. એક અઠવાડિયામાં આ ફિલ્મને ઓટીટી પ્લેટફોર્મ જી5 પર 90 લાખથી વધુ વ્યુજ મળ્યાં છે. 

OTT પર સૌથી વધુ જોવાતી ફિલ્મ 

મીડિયા રિપોર્ટસ મુજબ ઓપનિંગ વીકેન્ડમાં ફિલ્મ ધ કાશ્મીર ફાઈલ્સને સૌથી વધુ વ્યુજ, 60 લાખ અને સ્ટ્રીમિંગ મિનિટ્સ-220 મિલિયન મળ્યાં. તો આ ફિલ્મને પહેલા અઠવાડિયામાં 90 લાખ વખત જોવામાં આવી અને 300 મિલિયન સ્ટ્રીમિંગ મિનિટ્સ પ્રાપ્ત થઇ. જી5 પર ધ કાશ્મીર ફાઈલ્સ બધા રેકોર્ડ તોડી રહી છે. ધ કાશ્મીર ફાઈલ્સ ફિલ્મની રીલીઝની સાથે, જી5 પહેલુ ઓટીટી પ્લેટફોર્મ બની ગયુ છે, જેને ભારતીય સાઇન લેન્ગવેજ ઈન્ટરપ્રિટેશનની સાથે કોઈ ફિલ્મને રીલીઝ કરી છે. મીડિયા રિપોર્ટ્સ મુજબ નિર્દેશક વિવેક અગ્નિહોત્રીએ ધ કાશ્મીર ફાઈલ્સની સફળતા અંગે કહ્યું, આ ફિલ્મના થિયેટરથી ડિઝીટલ રીલીઝ સુધીમાં તેના માટે દર્શકોનો પ્રેમ વધ્યો છે. તેમણે કહ્યું, આ મારી અત્યાર સુધીની સૌથી સંતોષકારક ફિલ્મ છે. હું દર્શકોનો આભારી છુ કે તેમણે આ ફિલ્મને પ્રેમ આપ્યો.