ધોબીપછાડ / The Kashmir Filesએ 'દંગલ'ને પછાડી, 8માં દિવસની કમાણીએ તો રચી દીધો ઈતિહાસ

• ધ કશ્મીર ફાઈલ્સનું બોક્સ ઓફિસ કલેક્શન 
• ધ કશ્મીર ફાઈલ્સે આમિર ખાનની દંગલને પાછળ છોડી 
• ફિલ્મ જીતી રહી છે દર્શકોના દિલ 

વિવેક અગ્નિહોત્રીનાં ડાયરેકશનમાં બનેલી ફિલ્મ 'ધ કશ્મીર ફાઈલ્સ' બોક્સ ઓફિસ પર ધમાલ મચાવી રહી છે. આ ફિલ્મે 8માં દિવસે 100 કરોડનું કલેક્શન કરીને બધા જ રેકોર્ડ તોડ્યા છે. એટલું જ નહી, ધ કશ્મીર ફાઈલ્સે 8મા દિવસની કમાણીમાં આમિર ખાનની ફિલ્મ દંગલને પણ પાછળ છોડી દીધી છે. 

કશ્મીર ફાઈલ્સનું બોક્સ ઓફિસ કલેક્શન 
ટ્રેડ એનાલિસ્ટ તરણ આદર્શે ટ્વીટ પર લખ્યું છે કે ધ કશ્મીર ફાઈલ્સે ઈતિહાસ રચ્યો છે. 8મા દિવસે આ ફિલ્મે 19.15 કરોડ કમાયા. આ કલેક્શન બાહુબલી 2 (19.75)ની નજીક છે. ધ કશ્મીર ફાઈલ્સ ઓલ ટાઈમ બ્લોકબસ્ટર્સમાં સામેલ થઈ ગઈ છે. આ ફિલ્મનું કુલ કલેક્શન 116.45 કરોડ છે. 

#TheKashmirFiles creates HISTORY… *Day 8* of #TKF [₹ 19.15 cr] is AT PAR with #Baahubali2 [₹ 19.75 cr] and HIGHER THAN #Dangal [₹ 18.59 cr], the two ICONIC HITS… #TKF is now in august company of ALL TIME BLOCKBUSTERS… [Week 2] Fri 19.15 cr. Total: ₹ 116.45 cr. #India biz. pic.twitter.com/sjLWXV78J9

— taran adarsh (@taran_adarsh) March 19, 2022

#TheKashmirFiles highlights...
⭐ Records its HIGHEST *single day total* on [second] Fri [₹ 19.15 cr]
⭐ Will comfortably cross ₹ 150 cr in Weekend 2
⭐ Advance bookings for [second] Sat and Sun are PHENOMENAL
⭐ Being dubbed in #Tamil, #Telugu, #Kannada and #Malayalam pic.twitter.com/QIfBj7kmcB

— taran adarsh (@taran_adarsh) March 19, 2022

રાજ્યોમાં ટેક્સ ફ્રી થઈ મૂવી 
નોંધનીય છે કે આ ફિલ્મને હરિયાણા, ગુજરાત, કર્ણાટક અને ઉત્તર પ્રદેશમાં પણ ટેક્સ ફ્રી કરવામાં આવી છે. અનુપમ ખેર અને મિથુન ચક્રવર્તી જેવા દિગ્ગજ સ્ટાર્સના જોરદાર અભિનયથી સજેલી ફિલ્મ 'ધ કાશ્મીર ફાઇલ્સ'એ બોક્સ ઓફિસ પર ધૂમ મચાવી છે. જે બાદ કહી શકાય કે વિવેક અગ્નિહોત્રીએ ધમાકેદાર રેકોર્ડ બનાવ્યો છે. 

ફિલ્મ જીતી રહી છે દર્શકોના દિલ 

ફિલ્મ પ્રોડયૂસર અને ડાયરેક્ટર વિવેક અનીહોત્રી આજકાલ પોતાની નવી ફિલ્મને લઈને ચર્ચામાં છે. કશ્મીરી પંડિતોની વેદના દર્શાવતી આ ફિલ્મ લોકોના દિલ જીતી રહી છે. લોકોની ભાવનાઓ આ ફિલ્મ સાથે જોડાયેલ છે. આ મુદ્દા પર પહેલા પણ ફિલ્મો બની હતી પરંતુ ક્યારેય આટલી ડેપ્થમાં આ મુદ્દા પર વાત કરવામાં આવી નથી. પરંતુ હવે વિવેક અગ્નિહોત્રીએ આ કરી બતાવ્યું છે. ફિલ્મને દેશભરની જનતાનો સપોર્ટ મળી રહ્યો છે અને સાથે જ સરકાર તરફથી પણ સમર્થન મળ્યું છે. 

મોટી મૂવીઝને આપી ટક્કર 
માત્ર 14 કરોડના ખર્ચે બનેલી આ ફિલ્મ સાથે સાઉથના સુપરસ્ટાર પ્રભાસની મેગા-બજેટ ફિલ્મ 'રાધે શ્યામ' અને આલિયા ભટ્ટ અને સંજય લીલા ભણસાલીની 'ગંગુબાઈ કાઠિયાવાડી' રિલીઝ થઈ હતી. પરંતુ 'ધ કાશ્મીર ફાઇલ્સ' રિલીઝ થતાની સાથે જ બોક્સ ઓફિસ પર સુનામી આવી અને પ્રેક્ષકોને છીનવી લીધી, જે અત્યારે અટકવાનું નામ નથી લઈ રહી.