વર્ષ 2022માં મોટાભાગે બોલીવુડ ફિલ્મોની અસર બૉક્સ ઑફિસ પર કશુ ખાસ જોવા ના મળ્યું. પરંતુ અમુક ફિલ્મોએ કમાલ કરી દીધી. આજે અમે તમને એવી ફિલ્મ અંગે જણાવવા જઇ રહ્યાં છે, જેણે આ વર્ષે કમાણી મામલે ઈતિહાસ તો રચ્યો. આ સાથે સાઉથની સુપરહિટ ફિલ્મોને પાછળ કરી દીધી.
આ વર્ષે બોલીવુડની આ ફિલ્મે કમાણી મામલે ઈતિહાસ રચ્યો
સાઉથની સુપરહિટ ફિલ્મોને પાછળ કરી દીધી
બૉક્સ ઑફિસ પર કમાણી મામલે બધા રેકોર્ડ તોડ્યા
બોલીવુડ ફિલ્મ 'ધ કાશ્મીર ફાઈલ્સે' કમાણી મામલે બધા રેકોર્ડ તોડ્યા
વર્ષ 2022માં એકમાત્ર બોલીવુડ ફિલ્મ જેણે બૉક્સ ઑફિસ પર કમાણી મામલે બધા રેકોર્ડ તોડ્યા. જેનુ નામ 'ધ કાશ્મીર ફાઈલ્સ' છે. આ ફિલ્મને દર્શકોનો પ્રેમ ખૂબ મળ્યો. ફિલ્મ પોતાની દમદાર કહાનીના કારણે દર્શકોને થિયેટર સુધી લાવવામાં સફળ રહી. આ ફિલ્મ માટે ફિલ્મના ડાયરેક્ટ વિવેક અગ્નિહોત્રીના ખૂબ વખાણ કરવામાં આવ્યાં. ફિલ્મને લઇને ઘણા બધા રિવ્યુ પણ મળ્યાં, રેટીંગ મામલે પણ આ ફિલ્મ સૌથી આગળ રહી. એટલું જ નહીં, ફિલ્મના દરેક કાસ્ટ મિથુન ચક્રવર્તી, અનુપમ ખેર, દર્શન કુમાર, પલ્લવી જોશી, ચિન્મય મંડલેકર, ભાષા સુંબલીના પણ ખૂબ વખાણ થયા.
ફિલ્મનુ ટોટલ બૉક્સ ઑફિસ કલેક્શન લગભગ 340.92 કરોડ રહ્યું
આખરે હવે આ ફિલ્મ બૉક્સ ઑફિસ પર સફળ સાબિત થઇ અને મીડિયા રિપોર્ટસ મુજબ આશરે 25 કરોડમાં બનેલી આ ફિલ્મનુ ટોટલ બૉક્સ ઑફિસ કલેક્શન લગભગ 340.92 કરોડ રહ્યું, જેના આંકડા આશ્ચર્યજનક હતા. 11 માર્ચ 2022ના રોજ થિયેટરોમાં રીલીઝ થયેલી આ ફિલ્મ આખુ વર્ષ ચર્ચાનો વિષય રહી.
IMBDની યાદીમાં પણ ધ કાશ્મીર ફાઈલ્સને બીજુ સ્થાન
બીજી તરફ IMBDએ આ મહિને આખા વર્ષની બેસ્ટ ટૉપ-10 ફિલ્મોની યાદી જાહેર કરી, જેમાં એકમાત્ર બોલીવુડ ફિલ્મ ધ કાશ્મીર ફાઈલ્સનો સમાવેશ કરાયો છે, જ્યારે આ યાદીમાં સાઉથની ફિલ્મોનો દબદબો રહ્યો છે. તો આ યાદીમાં ધ કાશ્મીર ફાઈલ્સને બીજુ સ્થાન મળ્યું, જેણે બધાને ચોંકાવી નાખ્યાં.
ટૉપ-10 બેસ્ટ ફિલ્મોની યાદી પહેલા સ્થાન પર RRR રહી
આ વર્ષે ટૉપ-10 બેસ્ટ ફિલ્મોની યાદી પહેલા સ્થાન પર RRR રહી. પરંતુ ત્યારબાદ આ યાદીમાં ધ કાશ્મીર ફાઈલ્સની બોલબાલા રહી છે. કારણકે આ મામલે ધ કાશ્મીર ફાઈલ્સે કાંતારા, કેજીએફ 2, વિક્રમ, રૉકેટ્રી: ધ નંબી ઈફેક્ટ, મેજર, સીતા રામમ, 777 ચાર્લી અને પોંનિયિન સેલવન-1 જેવી સાઉથની ફિલ્મોને પછાડી છે.