ધ કાશ્મીર ફાઇલ્સને વલ્ગર પ્રોપાગાન્ડા જણાવનાર નદવ લેપિડ મુશ્કેલીમાં મુકાયા છે. અનુપમ ખેરે એક ન્યૂઝ ચેનલ સાથેની વાતચીતમાં તેને માનસિક રીતે બિમાર કહ્યાં છે. અનુપમે કહ્યું કે તેને દરેક પ્લેટફોર્મ પર જૂતાં ખાવાની આદત છે. તે એવા સ્ટેટમેન્ટસ્ આપે છે કે તેમને દરેક જગ્યાએ જૂતાં ખાવા પડતાં હશે.
અનુપમ ખેરનાં નિશાના પર નદવ લેપિડ
ખેરે નદવ લેપિડને કહ્યું બિમાર
આ બધું પ્રીપ્લાન્ડ હતું - અનુપમ ખેર
વર્ષની સૌથી મોટી હિટ ફિલ્મ ધ કાશ્મીર ફાઇલ્સ પર થયેલ કોન્ટ્રોવર્સી શાંત થવાનું નામ જ નથી લઇ રહી. આ ફિલ્મ પર નદવ લેપિડનાં 'વલ્ગર પ્રોપાગાન્ડા' વાળા નિવેદન પછી ભારતમાં હોબાળા શરૂ થઇ ગયાં છે. આ મુદા પર અનુપમ ખેરે નદવ લેપિડનાં નિવેદનને શરમજનક કહ્યું છે અને કહ્યું કે તેમને જૂતાં ખાવાની આદત છે.
અનુપમ ખેરે લેપિડને કહ્યું બિમાર
કાશ્મીરી પંડિતોની પીડા વ્યક્ત કરતી પિક્ચર ધ કાશ્મીર ફાઇલ્સ એ ફિલ્મ છે કે જેણે બોક્સ ઓફિસની સાથે લોકોનાં દિલની પણ કમાણી કરી લીધી. આ ફિલ્મને વર્ષની સૌથી હિટ ફિલ્મોમાંની એક માનવામાં આવે છે. ઇન્ટરનેશનલ ફિલ્મ ફેસ્ટિવલમાં આ ફિલ્મને ગોલ્ડન પીકોક અવોર્ડ કેટેગરીમાં નોમિનેટ કરવામાં પણ આવ્યું હતું. તેમણે કહ્યું કે હું માનું છું કે આ અતિ નિંદાસ્પદ છે. એક વ્યક્તિ જે કાશ્મીરમાં થયેલ નરસંહારને નથી સમજી શકતું, એ આ પીડા સામે ઇનસેન્સિટિવ રહે છે એ મારા હિસાબે ભયસ્પદ નહીં પરંતુ શરમજનક છે. પરંતુ એ પણ સત્ય છે કે દુનિયામાં આ પ્રકારનાં ઘણાં લોકો છે જે આવું વિચારે છે. પરંતું લેપિડે ખાસ કરીને જે શબ્દોની પસંદગી કરી છે તેનાથી મને ગુસ્સો આવ્યો છે કારણકે તેમના મગજમાં એક એજન્ડા છે જેના કારણે તે આવા શબ્દોનો ઉપયોગ તકે છે.
આ બધું પ્રીપ્લાન્ડ હતું - અનુપમ ખેર
નદવનાં નિવેદનને લઇને તેમણે કહ્યું કે નદવે જે કહ્યું તે અતિ શરમજનક છે. પ્લેટફોર્મનો આવી રીતે કરવું અને આ પ્રકારનાં શબ્દોનો ઉપયોગ કરવો વ્યાજબી નથી. આ સંપૂર્ણરીતે પ્રીપ્લાન્ડ છે. વિચારીને આ તમામ વાતો બોલવામાં આવી છે. તે ઇચ્છત તો ફિલ્મનાં વિરૂદ્ધમાં ટ્વિટર પર પણ લખી શકતાં હતાં કે હું જ્યૂડીનો મેમ્બર છું અને ફિલ્મ વિશે આ વિચારું છું પરંતુ તેમણે મંચનો ઉપયોગ કર્યો, પેપર કાઢ્યો અને સ્ટેટમેન્ટ વાંચ્યું.
અનુપમ ખેરની પ્રતિક્રિયા
વાસ્તવમાં 'ધ કાશ્મીર ફાઇલ્સ' ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI)ના જ્યુરી ચીફ નાદવ લેપિડના નિવેદન પર બોલિવૂડ અભિનેતા અનુપમ ખેરે ટ્વીટ કરીને કહ્યું કે, 'અસત્યનું કદ ભલે ગમે તેટલું ઊંચું હોય, સત્યની સરખામણીમાં તે હંમેશા નાનું જ હોય છે.' આ સાથે જ અભિનેતાએ ફિલ્મ 'ધ કાશ્મીર ફાઇલ્સ'ના પોતાના ફોટા પણ શેર કર્યા છે.
झूट का क़द कितना भी ऊँचा क्यों ना हो..
सत्य के मुक़ाबले में हमेशा छोटा ही होता है.. pic.twitter.com/OfOiFgkKtD
ઇઝરાયલી ફિલ્મમેકરે 'ધ કાશ્મીર ફાઇલ્સ'ને ગણાવી ‘પ્રોપેગન્ડા ફિલ્મ’
‘ધ કાશ્મીર ફાઇલ્સ’ ફિલ્મ વિવેક અગ્નિહોત્રીએ બનાવી છે અને તે અંગે દેશમાં ઘણો વિવાદ પણ થયો હતો. ઈઝરાયેલના ફિલ્મ નિર્માતા અને ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI)ના જ્યુરી ચીફ નાદવ લેપિડ (Nadav Lapid)એ આ ફિલ્મને ‘પ્રોપેગન્ડા ફિલ્મ’ ગણવાની સાથે સાથે આ ફિલ્મની નિંદા કરતા તેને ‘અભદ્ર (vulgar) ફિલ્મ’ કહી.