વિવેક અગ્નિહોત્રીની ફિલ્મ ધ કાશ્મીર ફાઈલ્સે બૉક્સ ઓફિસ પર કમાણીનો ઈતિહાસ રચી નાખ્યો છે. જો કે, બોક્સ ઑફિસ કલેક્શન મામલે થોડો ઘટાડો આવ્યો છે. પરંતુ ફિલ્મ 200 કરોડની કમાણી કરનારી ફિલ્મ બની ગઇ છે.
ધ કાશ્મીર ફાઈલ્સે બૉક્સ ઓફિસ પર કમાણીનો ઈતિહાસ રચ્યો
ફિલ્મે 200 કરોડની કમાણી કરી તોડ્યો રેકોર્ડ
સુર્યવંશીને પછાડીને રેસમાં આગળ તો તાનાજીનો તોડ્યો રેકોર્ડ
ધ કાશ્મીર ફાઈલ્સ સૂર્યવંશીને પછાડીને રેસમાં આગળ
કોરોના મહામારી બાદ અક્ષય કુમારની ફિલ્મ સૂર્યવંશીને પછાડીને આ ફિલ્મ રેસમાં આગળ જતી રહી છે. એટલું જ નહીં, આ ફિલ્મે બચ્ચન પાંડેને તો રેસમાંથી જ બહાર કરી દીધી છે. ગુરૂવારે ધ કાશ્મીર ફાઈલ્સનો બૉક્સ ઑફિસ કલેક્શન રિપોર્ટ આવ્યાં બાદ એવી પહેલી ફિલ્મ બની છે કે જેણે કોરોના મહામારી શરૂ થયા બાદ ઈન્ડિયન બૉક્સ ઓફિસ પર 200.13 કરોડ રૂપિયાની શાનદાર કમાણી કરી છે. અગાઉ આ રેકોર્ડ અજય દેવગણની વર્ષ 2020માં રીલીઝ થયેલી ફિલ્મ તાનાજી ધ અનસંગ વૉરિયરે કરી હતી.
ધ કાશ્મીર ફાઈલ્સે 200 કરોડની કમાણી કરી તોડ્યો રેકોર્ડ
જાણીતા ફિલ્મ ટ્રેડ એનાલિસ્ટ તરણ આદર્શે ટ્વિટ કરી ધ કાશ્મીર ફાઈલ્સના ભારતીય બૉક્સ ઓફિસ કલેક્શનની રેકોર્ડબ્રેક કમાણીનો આંકડો રજૂ કર્યો છે. તરણે લખ્યું, ધ કાશ્મીર ફાઈલ્સે 200 કરોડનો આંકડો પાર કર્યો છે. સૂર્યવંશીના બિઝનેસને પણ ક્રોસ કરી કોરોના મહામારીમાં સૌથી વધુ કમાણી કરનારી હિન્દી ફિલ્મ બની ગઇ છે. બીજા અઠવાડિયે શુક્રવારે 19.15, શનિવારે 24.80 કરોડ, રવિવારે 26.20 કરોડ, સોમવારે 12.40 કરોડ, મંગળવારે 10.25 કરોડ, બુધવારે 10.03 કુલ 200.13 કરોડનો ભારતમાં વેપાર.
#TheKashmirFiles crosses ₹ 200 cr mark 🔥🔥🔥... Also crosses *lifetime biz* of #Sooryavanshi... Becomes HIGHEST GROSSING *HINDI* FILM [pandemic era]... [Week 2] Fri 19.15 cr, Sat 24.80 cr, Sun 26.20 cr, Mon 12.40 cr, Tue 10.25 cr, Wed 10.03 cr. Total: ₹ 200.13 cr. #India biz. pic.twitter.com/snBVBMcIpm
ધ કાશ્મીર ફાઈલ્સ ફિલ્મમાં જમ્મુ-કાશ્મીરમાં કાશ્મીરી પંડિતો પર થયેલા અત્યાચારની કહાનીને વિવિક અગ્નિહોત્રીએ વર્ષ 1990ના દર્દભર્યા દિવસની યાદોને તાજા કરી દીધી છે. આ ફિલ્મમાં ઘણા એવા પહેલુને સામે લાવવામાં આવ્યાં છે, જે અંગે કેટલાંક લોકોને જાણકારી નહોતી. આ ફિલ્મને વિવેકે જાતે લખી છે અને ડાયરેક્ટ કરી છે.