દર્શકોના ચહેરા પર સ્મિત લાવનાર ફેમસ કોમેડિયન કપિલ શર્મા હાલમાં જ ચંદન પ્રભાકર, સુમોના ચક્રવર્તી, કિકુ શારદા, કૃષ્ણા અભિષેક અને બાકીની ટીમ સાથે વેંકૂવર ટૂર જવા રવાના થઇ હતી
ધ કપિલ શર્મા શો ની કુલ 3 સિઝન પૂરી થઇ
ટીમ હાલ વેકેશન કરવા વેંકૂવર ગઈ છે
80 એપિસોડમાં 40 કરોડની જંગી કમાણી
કપિલ શર્માની ટીમ હાલ વેકેશન મોડમાં
સોની પર આવતો ખુબ ચર્ચિત કોમેડી શો એટલે એ ધ કપિલ શર્મા શો લોકોને ખુબ પસંદ છે ત્યારે કપિલ શર્મા અને તેની ટીમે કોમેડી શો 'ધ કપિલ શર્મા શો'ને અલવિદા કહી દીધું છે. ફેન્સને હસાવ્યા બાદ હવે કપિલ ચંદન પ્રભાકર, સુમોના ચક્રવર્તી, કિકુ શારદા, કૃષ્ણા અભિષેક સાથે વેંકૂવર ટૂર માટે રવાના થયો છે. હાલમાં જ એરપોર્ટ પર પોઝ આપતી ટીમની એક તસવીર સોશિયલ મીડિયા પર વાયરલ થઇ હતી, જેણે નેટિઝન્સનું ઘણું ધ્યાન ખેંચ્યું હતું.
કપિલ લે છે આટલી ફી
કપિલ શર્માએ પોતાના જીવનમાં ઘણા ઉતાર-ચઢાવ જોયા છે અને આજે તે સૌનો ફેવરિટ કોમેડિયન બની ગયો છે. જો કે બહુ ઓછા લોકો જાણે છે કે 'ધ કપિલ શર્મા શો સીઝન 3'ની ત્રીજી સીઝન દરમિયાન કપિલે કેટલી કમાણી કરી ? મીડિયા રિપોર્ટ્સ અનુસાર કપિલ શર્માએ પોતાના શોની ત્રીજી સીઝન માટે પોતાની ફીમાં દરેક એપિસોડ માટે 20 લાખ રૂપિયાનો વધારો કર્યો હતો.
કપિલે 80 એપિસોડ માટે આટલી ફી લીધી
એક અહેવાલ મુજબ કપિલ શર્માએ ત્રીજી સીઝનમાં દરેક એપિસોડ માટે 50 લાખ રૂપિયા ચાર્જ કર્યા હતા. એટલે કે દર વીકેન્ડમાં કપિલ શર્મા કુલ 1 કરોડ રૂપિયાની કમાણી કરતો હતો. બીજી સીઝન માટે તેણે આ એપિસોડ પર 30 લાખ રૂપિયા ચાર્જ કર્યા હતા. તમને જણાવી દઈએ કે 'ધ કપિલ શર્મા શો'ની ત્રીજી સીઝનમાં 80 એપિસોડ હતા, તેથી કપિલ શર્માએ 40 કરોડની જંગી રકમની કમાણી કરી હતી. દર્શકો હવે કપિલના શોની નવી સીઝનની રાહ જોઈ રહ્યા છે. આશા છે કે, કપિલ ફરી એકવાર પોતાની ટીમ સાથે ટીવીની દુનિયામાં વાપસી કરશે.