ધ કપિલ શર્મા શો પૂરો થતા સમગ્ર ટીમે પાર્ટીમાં ખૂબ જ ધમાલ મચાવી, જેની તસવીરો સોશિયલ મીડિયા પર વાયરલ થઈ રહી છે.
કપિલ શર્મા શોનો ધી એન્ડ
ટીમે મચાવી પાર્ટીમાં ખૂબ જ ધમાલ
કપિલ શર્મા શો થોડા સમય માટે લઇ રહ્યો છે બ્રેક
કપિલ શર્મા શોની હજુ એક સીઝન સમાપ્ત થઇ ગઈ છે અને શોની કાસ્ટે શોનાં સેટ પર ખૂબ જ મસ્તી કરી હતી. અર્ચના પૂરન સિંહે પોતાના ઇન્સ્ટાગ્રામ પર આનો વીડિયો પણ શેર કર્યો છે. સાથે જ એક વીડિયોમાં તો હોસ્ટ કપિલ શર્માને ગીત ગાતા પણ જોઈ શકાય છે.
કપિલ શર્માએ ટીમ સાથે કરી પાર્ટી
કપિલ શર્મા પોતાના શોની બેશ પાર્ટીમાં 'જબ કોઈ બાટ બિગડ જાયે', 'સાવન મેં લગ ગઈ આગ' થી 'ક્યા હુઆ તેરા વાદા' જેવા ગીતો ગાતા જોવા મળી રહ્યા હતા. સુમોના ચક્રવર્તી, કીકૂ શારદા, ચંદન પ્રભાકર જેવા અન્ય કલાકારોને પણ ખૂબ જ મસ્તી કરતા જોઈ શકાય છે. એક વીડિયોમાં કપિલ શર્મા પોતાની પત્ની ગીન્ની ચતરથ સાથે ડાન્સ કરતા પણ જોવા મળે છે, જે સેટ પર હાજર હતી. સફેદ રંગનાં ટી શર્ટમાં ગીન્ની ખૂબ જ સુંદર લાગી રહી હતી.
સુમોના ચક્રવર્તીનો ગ્લેમરસ અવતાર
ભૂરીનું પાત્ર નિભાવનાર સુમોના ચક્રવર્તીએ સેટથી કૃષ્ણા અભિષેક, કપિલ, કીકૂ શારદા અને અર્ચના પૂરન સિંહ સાથે ઘણી તસવીરો શેર કરી છે. તેમણે ફોટોઝકે કેપ્શન આપ્યું છે કે ઇન ઈટ્સ એ રેપ. ફિર મિલેંગે, એક છોટે સે બ્રેક કે બાદ.
'ધ કપિલ શર્મા શો'નો ધી એન્ડ
શ કપિલ શર્મા શો થોડા સમય માટે બ્રેક લઇ રહ્યો છે કેમકે કપિલ અને તેની આખી ટીમ એક મહિના માટે યૂએસની મુલાકાતે જઈ રહી છે. ચેનલ એક નવો કોમેડી શો 'ઇન્ડિયાઝ લાફ્ટર ચેમ્પિયન' લઈને આવવાની યોજના બનાવી રહી છે, જેમાં અર્ચના પૂરન સિંહ અને શેખર સુમન જજ હશે. ગયા વર્ષે, જાન્યુઆરી 2021માં બીજી વાર પિતા બન્યા બાદ કપિલે પોતાના શોથી બ્રેક લઇ લીધો હતો. તેમણે પોતાના સોશિયલ મીડિયા અકાઉન્ટ પર પોતાના પ્રેટરનીટી બ્રેકની જાહેરાત કરી હતી.