ટીવીનો જાણીતો શો ધ કપિલ શર્મા જબરદસ્ત ચર્ચામાં રહે છે. કપિલના કોમેડી શોમાં અવારનવાર જાણીતા સેલિબ્રિટી આવતા રહે છે. કપિલ શર્મા શો જેટલું લોકોનું મનોરંજન કરે છે એટલો જ વિવાદોમાં પણ રહે છે. ત્યારે આ અઠવાડિયે શોમાં રેમો ડિસૂઝા તેની ટીમ સાથે આવવાનો છે. આ અઠવાડિયાનો શો મજેદાર રહેશે પણ શોમાં આ વખતે કૃષ્ણા અભિષેક કપિલ શર્માનો જીવ અદ્ધર કરી દે છે. ચાલુ શો દરમિયાન તે શો છોડી દેવાની વાત કરે છે.
કૃષ્ણા અભિષેક ધ કપિલ શર્મા શોને ગુડબાય કહેશે?
ચાલુ શો દરમિયાન કૃષ્ણાએ શો છોડી દેવાની વાત કહી
કપિલ શર્માનો જીવ થયો અદ્ધર
ધ કપિલ શર્મા શો દરમિયાન આ અઠવાડિયે કૃષ્ણા અભિષેકએ જાહેરાત કરી દીધી છે કે તે આ શોનો ભાગ બનવાં નથી માંગતો. આ સમાચાર વાયરલ થતા કપિલ શર્મા સહિત તેના ફેન્સને પણ આંચકો લાગ્યો છે. તો તમને જણાવી દઈએ કે, કૃષ્ણા ખરેખર શો છોડીને નથી જઈ રહ્યો, બલ્કે એક પ્રોમો વીડિયો સામે આવ્યો છે.
આ વીડિયોમાં કૃષ્ણા અભિષેક સપનાનાં રોલમાં ડાન્સ કરતા એન્ટ્રી લે છે અને આ દરમિયાન સપના શો પર જેમ જ રેમો ડિસૂઝાને જોવે છે તે પાછી જવા લાગે છે અને જતા પહેલાં તમામ ગેસ્ટને એક એક કરીને બાય કહે છે. તેનાં પર કપિલ કહે છે બાય કેમ કહી રહી છે. આ લોકો સાથે વાત નહીં કરે. તેના પર સપના કહે છે, આટલાં બધાં ગેસ્ટ કોઈ બોલાવે છે.
કૃષ્ણા કામ ન આપવાને લઈને રેમોની સાથે મજાક પણ કરે છે. સપના કહે છે કે, રેમો સર, મૈં તમારા પર એક બુક લખી છે. જેનું નામ ડાંસનો ડેમો, ડિસૂઝાનો રેમો છે. જેના પર કપીલ કહે છે, તે શું લખ્યું છે, તમે ત્યાં એમના વિશે કંઈ ખબર છે. જેના પર સપના કહે છે એમના વિશે કોણ નથી જાણતું, તેમણે નવા નવા છોકરાઓને ટીવી અને ફિલ્મોમાં સ્ટાર બનાવ્યા છે.
સપના આગળ કહે છે, દેશનાં ખૂણા ખૂણાનાં યુવકોને સ્ટાર બનાવ્યા, પણ તેમની જ બિલ્ડિંગમાં એક યુવક રહે છે તેને ક્યારેય કામ ન આપ્યું. હકીકતમાં કૃષ્ણા મજાકમાં પોતાની વાત કરી રહ્યો છે અને કહે છે કે તે અને રેમો એક જ બિલ્ડિંગમાં રહે છે છતાં પણ હજુ સુધી ક્યારેય રેમોએ તેને કોઈ કામ ઓફર કર્યુ નથી.