'ધ કપિલ શર્મા શો'ના કલાકારો દર્શકોનું મનોરંજન કરવામાં ક્યાંય પાછા નથી પડતાં અને એટલે જ આ કોમેડી શો અત્યારે દુનિયાના સૌથી પોપ્યુલર શોમાંથી એક છે. કપિલ શર્મા, કૃષ્ણા અભિષેક, ભારતી સિંહ સહિતના અન્ય કલાકારો વર્ષોથી આપણાં ફેવરિટ રહ્યાં છે. પણ શું તમે ક્યારેય વિચાર્યું છે કે, આ શો માટે તેઓ કેટલા પૈસા કમાય છે? નહીં ને, તો ચાલો આજે અમે તમને જણાવીએ.
કપિલ શર્માએ એન્ટરટેનમેન્ટ ઈન્ડસ્ટ્રીમાં પોતાની ખાસ જગ્યા બનાવી છે. તેના શોમાં દર અઠવાડિયે ઘણાં દિગ્ગજ સેલિબ્રિટીસ આવે છે. એવામાં એક એપિસોડમાં ઉદિત નારાયણે જણાવ્યું હતું કે, કપિલ તેના શોમાં એક એપિસોડના 1 કરોડ રૂપિયા ચાર્જ લે છે. એટલું જ નહીં કપિલ શર્મા પોતે પણ આ વાતનો ખુલાસો કરી ચૂક્યો છે કે, તે 15 કરોડ રૂપિયા ટેક્સ ભરે છે.
કૃષ્ણા અભિષેક
રિપોર્ટ મુજબ સપનાની ભૂમિકા ભજવવા માટે કૃષ્ણા અભિષેક દર વીકેન્ડના 10થી 12 લાખ રૂપિયા ચાર્જ કરે છે.
ભારતી સિંહ
લાફ્ટર ક્વિન ભારતી સિંહ, ધ કપિલ શર્મા શો પર અલગ-અલગ ભૂમિકા ભજવતી જોવા મળે છે. રિપોર્ટ મુજબ ભારતી દર વીકેન્ડના 10થી 12 લાખ રૂપિયા ચાર્જ કરે છે.
સુમોના ચક્રવર્તી
કપિલના પ્રેમમાં પાગલ યુવતીની ભૂમિકા ભજવનાર એક્ટ્રેસ સુમોના ચક્રવર્તી દર વીકેન્ડના 10થી 12 લાખ રૂપિયા ચાર્જ કરે છે.
ચંદન પ્રભાકર
ચંદનની કમાણીનો ખુલાસો અક્ષય કુમારે મસ્તી કરતાં કર્યો હતો. ચંદુની ભૂમિકામાં જોવા મળતો ચંદન એક એપિસોડના 5 લાખ રૂપિયા લે છે. અક્ષયને એક એપિસોડમાં તેનો કોન્ટ્રાક્ટ વાંચતા દેખાડ્યો હતો.
નવજોત સિંહ સિદ્ધૂને શોમાં રિપ્લેસ કરનાર અર્ચના પૂરન સિંહએ જણાવ્યું હતું કે તેમને સિદ્ધૂ કરતાં બહુ ઓછાં પૈસા મળે છે. જોકે, તેમણે રકમનો ખુલાસો કર્યો નહોતો.