હાલમાં જ ભારતમાં પોતાના અદભૂત કામ માટે પદ્મવિભૂષણ, પદ્મ ભૂષણ અને પદ્મ શ્રી ઍવોર્ડ એનાયત કરવામાં આવ્યા ત્યારે ગુજરાતની ફેમસ જોડી મહેશ-નરેશને પણ મરણોપરાંત સંયુક્ત પદ્મશ્રી એવોર્ડ આપવામાં આવ્યો છે.
મહેશ-નરેશને મરણોપરાંત મળ્યો પદ્મ શ્રી
હિતુ અને રતન કનોડિયાએ રિસીવ કર્યો ઍવોર્ડ
ટ્રેનમાં ઍવોર્ડ લઇને ઘરે આવ્યો કનોડિયા પરિવાર
મહેશ-નરેશે ટ્રેનમાં શરૂ કર્યો હતો સફર
જ્યારે મહેશ અને નરેશે પોતાના પગ પર ઉભા થવાનું વિચાર્યું ત્યારે સૌથી પહેલા તેઓ ટ્રેનમાં ગીત ગાતા હતા અને ત્યાંથી ધીરે ધીરે તેઓ આગળ વધ્યા અને તે સ્તર સુધી પહોંચ્યા કે તેમની બરાબરી કદાચ કોઇ કરી શકશે નહી. તેમને મરણોપરાંત સંયુક્ત પદ્મશ્રી ઍવોર્ડ આપવામાં આવ્યો છે.
હિતુ અને રતન કનોડિયાએ ઍવોર્ડ રિસીવ કર્યો
મહેશ કનોડિયાના ભત્રીજા હિતુ કનોડિયાએ તેમનો ઍવોર્ડ રિસીવ કર્યો જ્યારે નરેશની પત્ની રતન કનોડિયાએ પતિ માટે રાષ્ટ્રપતિના હસ્તે ઍવોર્ડ રિસીવ કર્યો હતો.
અનોખું કાર્ય
મહેશ-નરેશે ટ્રેનોમાં ગીત ગાઇને પોતાના કરિયરની શરૂઆત કરી હતી માટે તેમને એક અનોખુ ટ્રિબ્યુટ આપવા પરિવારે પણ તેમના ઍવોર્ડ સાથે ટ્રેનમાં મુસાફરી કરી હતી. દિલ્હીથી ઍવોર્ડ લઇને તેઓ અમદાવાદ રેલવે સ્ટેશન આવી પહોંચ્યા હતા.
અમદાવાદ રેલવે સ્ટેશન પર સ્વાગત
હિતુ કનોડિયા, મોના થીબા અને રતન કનોડિયાનું અમદાવાર રેલવે સ્ટેશન પર સ્વાગત કરવામાં આવ્યું હતું. જ્યાં હિતુ કનોડિયાએ કહ્યું કે, કદાચ પહેલીવાર ભારત દેશમાં એવું થયું હશે કે 2 ભાઇઓને સાથે સંયુક્ત પદ્મ શ્રી ઍવોર્ડ આપવામાં આવ્યો છે. વડાપ્રધાન મોદીએ નોંધ લીધી અને આ સન્માન અપાવ્યું તે બદલ મોદીજી, રાષ્ટ્રપતિ અને સમિતિનો આભાર માનું છું.