જાણવું જરૂરી / જુનિયર ક્લાર્કના ઉમેદવારો અને વાલીઓને ST વિભાગે કરી અગત્યની અપીલ, તકલીફ ન પડે એટલા માટે ગોઠવી આ વ્યવસ્થાઓ

• 9 એપ્રિલે યોજાશે જુનિયર ક્લાર્કની પરીક્ષા 
• પરીક્ષાર્થીઓ માટે એસટી વિભાગની વ્યવસ્થા
• ઉમેદવારના ખાતામા 254 રૂપિયા જમા થશે

આગામી 9 એપ્રિલના રોજ જુનિયર ક્લાર્કની પરીક્ષા યોજાવાની છે. પરીક્ષાર્થીઓને સેન્ટર પર પહોચાડવા એસટી વિભાગે ખાસ વ્યવસ્થા કરી છે. સરકાર થકી ટિકિટના રૂપિયા જમા કરવાનો પણ નિર્ણય લેવાયો છે, દરેક ઉમેદવારોના બેંક ખાતામાં રૂપિયા જમા કરવામા આવશે.

એસ ટી વિભાગ થકી 6.5 હજારથી વધુ બસોની વ્યવસ્થા 
ઉમેદવારના ખાતામાં 254 રૂપિયા જમા કરવામાં આવશે. ઉમેદવારો સાથે વાલીઓને ન આવવા અપીલ કરાઈ છે. વાલીઓ આવશે તો અન્ય ઉમેદવાર ને તકલીફ પડી શકે છે તેમજ 24 કલાક કન્ટ્રોલરૂમ ચાલુ રહેશે અને 9 લાખ કરતા વધુ વિદ્યાર્થી જુનિયર કલાર્કની પરીક્ષા આપવાના છે. એસટી વિભાગ થકી 6.5 હજારથી વધુ બસોની વ્યવસ્થા કરવામાં આવી છે.

GSRTCના એમડીએ શુ કહ્યું?
GSRTCના એમડી એમ એ ગાંધીએ જણાવ્યું કે, પંચાયત બોર્ડ દ્વારા વિદ્યાર્થીના ખાતામાં સિધા 254 રૂપિયા જમા કરવામાં આવશે. તેમણે કહ્યું કે, અમારી ટિકિટ નોર્મલ છે પરંતુ અમુક કિસ્સામાં 254 રૂપિયા કરતી ઓછી હશે અને અમુક કિસ્સામાં 254થી વધુ પણ હોઈ શકે છે. તેમણે અપીલ કરી હતી કે, મહિલા ઉમેદવારો પોતાના વાલીને સાથે લઈને ન આવે તો સારૂ કેમ કે, એસટી નિગમ જ તેમના વાલી છે. જો વાલીઓ સાથે આવશે તો લોડ વધશે અને અન્ય પરિક્ષાર્થીઓને પણ તકલફ થશે. તેમણે કહ્યું કે, લગભગ 6.5 હજાર બસો આમાં જોડવામાં આવશે.