શોના લેટેસ્ટ એપિસોડમાં રાહુલ સોલંકી નામનો છોકરો ઓડિશન આપવા આવ્યો હતો. મુંબઇની ચાલીમાં રહેનારો આ છોકરો અને તેનો પરિવાર સોસાયટીની સાફસફાઇનું કામ કરે છે.
સપનાની માયાનગરી મુંબઇમાં રહેવાવાળો ગુજરાતી પરિવારનો આ છોકરો રાહુલ ચાલીનો કચરો એકઠો કરે છે. આટલુ જ નહી તે સોસાયટીના 51 સાર્વજનિક શૌચાલય પણ સાફ કરે છે. રાહુલના પિતા ગટર સાફ કરવાનુ કામ કરે છે. પોતાની દુઃખભરી કહાની સંભળાવતા રાહુલ કહે છે કે તે પોતાના પરિવારની પરેશાની દૂર કરવા માંગે છે અને કંઇક કરવા માંગે છે.
મહત્વનું છે કે ડાન્સ દિવાને સિઝન 3 રવિવારે કલર્સ ચેનલ પર શરૂ થયો છે. આ શોમાં તુષાર કાલિયા, ધર્મેશ યેલાન્ડે અને માધુરી દિક્ષીત જજ તરીકે નજર આવશે. શોને હોસ્ટ રાઘવ જુયાલ કરી રહ્યાં છે. આ શોમાં ઇમોશન્સ સાથે જબરજસ્ત ડાન્સ અને મસ્તી જોવા મળશે.
રાહુલની જેમ સવાઇ પણ આવ્યો રિયાલીટી શોમાં
ટીવી જગતનો સૌથી લોકપ્રિય રિયાલીટી શો ઇન્ડિયન આઇડલની 12મી સિઝન ચાલી રહી છે. અત્યાર સુધી આ શોએ દેશને શ્રેષ્ઠ સિંગર આપ્યા છે. સિઝન12માં એક કન્ટેસ્ટન્ટ છે જે પોતાની ગાયકી થકી લોકોના દિલ જીતી લીધા છે. સૌથી વધારે ચર્ચિત સવાઇ ભટ્ટે તેના અવાજથી દર્શકોને ઓતપ્રોત કરી લીધા છે.
સંઘર્ષની કહાણી
સવાઇ ભટ્ટના અવાજની સાથે સાથે તેના સંઘર્ષની કહાણી પણ લોકોને ખુબ પ્રભાવિત કરે છે. આ જ સંઘર્ષની કહાણી સાથે એક વિવાદ જોડાઇ ગયો છે. સવાઇની કેટલીક જૂની તસવીરો વાયરલ થઇ છે જેના કારણે શોમાં દર્શાવાતી તેની ગરીબીને લઇને પ્રશ્નો ઉભા થયા છે. શોમાં એવો દાવો કરવામાં આવ્યો છે કે તે બેહદ ગરીબ પરિવારમાંથી આવે છે અને તેને સિંગર બનવામાં ખુબ જ સંઘર્ષનો સામનો કરવો પડ્યો છે.
સોશ્યલ મિડીયા પર તસવીરો વાયરલ
સવાઇ ભટ્ટની જૂની તસવીરો છે જે શૅર કરવામાં આવી રહી છે. આ તસવીરોમાં સવાઇ એક લાઇવ કોન્સર્ટમાં ગાતો જોવા મળી રહ્યો છે. જે બાદ એવા દાવા કરવામાં આવી રહ્યાં છે કે સવાઇ ભટ્ટ એટલા ગરીબ નથી જેટલો તેને દર્શાવવામાં આવી રહ્યો છે. શોના મેકર્સ પર પણ સવાલ ઉઠી રહ્યાં છે.
કેટલાક યુઝર્સનું કહેવું છે કે ટીઆરપી માટે મેકર્સે સવાઇને ગરીબ બતાવવાનું કામ કર્યુ છે પણ તે સંપૂર્ણ રીતે ખોટુ છે. શોમાં સવાઇને ટ્રેડિશનલ સિંગર તરીકે દર્શાવવામાં આવી રહ્યો છે પરંતુ તે પ્રોફેશનલ સિંગર છે અને સિંગિંગની ટ્રેનિંગ પણ લઇ ચૂક્યો છે.