ઝારખંડ / ઝારખંડના જજ ઉત્તમ આનંદના પોર્સ્ટમોટમ રિપોર્ટમાં ચોકવાનારો ખુલાસો, જાણો કેવી રીતે થયું તેમનું મોત

• માથાના ભાગે ગંભીર ઈજા થતા જજનું મોત નિપજ્યું 
• શરીર પર સાત જગ્યાએ ઈજાના નિશાનો 
• પીએમ રિપોર્ટને આધારે આગળની તપાસ થશે 

ઝારખંડના ધનબાદ જિલ્લાના જજ ઉત્તમ આનંદની મોતનો મામલો હવે ગૂંચવાઈ રહ્યો છે. પોર્સ્ટમોર્ટમ રિપોર્ટમાં સામે આવ્યું કે જજ માથાના તેમજ જડબાના હાડકા અકસ્માતને કારણે તૂંટી ગયા હતા.. સાથેજ રિપોર્ટમાં એવું સામે આવ્યું છે, કે માથા પર ગંભીર ઈજા પહોચવાને કારણે તેમનું મોત થયું હતું, જોકે તે સિવાય પણ શરીર પર સાત જગ્યાએ તેમને ઈજાઓ પહોચી હતી. 

મગજ પર ગંભીર ઈજા 

પીએમ રિપોર્ટને આધારે પોલીસે કહ્યું કે જજના શરીર પર ઈજા પહોચવાને કારણે તેઓ પડી ગયા હતા. સાથેજ તેમને મગજના ભાગે પણ ગંભીર ઈજાઓ પહોચી હતી. પોલીસે કહ્યું કે આગળની તપાસ હવે તેઓ પોર્સ્ટમોર્ટમ રિપોર્ટને આધારે કરશે. હોસ્પિટલે ધનબાદ ડીસી અને એસડીએમને પોર્સ્ટપોર્ટમ રિપોર્ટ આપ્યા છે. 

પોલીસ રિક્ષા ચાલકના ચાર ટેસ્ટ કરશે 

જે રિક્ષા ચાલક દ્વારા અકસ્માત થયો હતો. તે રિક્ષા ચાલકના ચાર પ્રકારના ટેસ્ટ કરવા માટે કોર્ટ દ્વારા મંજૂરી આપી દેવામાં આવી છે. જેથી પોલીસ દ્વારા બ્રેન મેપિંગ અને નાર્કો ટેસ્ટ સહિતના ચાર ટેસ્ટ કરવામાં આવશે. 

સીબીઆઈ તપાસની માગ 

પોલીસનું કહેવું છે કે આ કેસનો રિપોર્ટ કોર્ટમા આપવામાં આવ્યો છે. સાથેજ સરકાર દ્વારા આ કેસની તપાસ માટે સીબીઆઈની માગ કરવામાં આવી છે. પરંતુ જ્યા સુધી સીબીઆઈ આ કેસને હાથમાં નહી લે ત્યા સુધી એસઆઈટીની ટીમ દ્વારા આ કેસની તપાસ યથાવત રાખવામાં આવશે. 

જજની મોત મામલે મામલો ગરમાયો 

ઉલ્લેખનીય છે કે જજ ઉત્તન આનંદ હત્યાકાંડ સહિત અમુક કેસની સુનાવણી કરી રહ્યા હતા. જેથી તેમની મોત બાદ આ મામલો ઘણો ગરમાયો છે. સમગ્ર મામલે પરિવાર તેમજ સરકાર દ્વારા સીબીઆઈની માગ કરવામાં આવી છે. પરંતુ હજુ સુધી સીબીઆઈએ આ કેસ હાથમાં નથી લીધો.