વિરોધ / 25% ફી માફીનો લાભ હજુ મળ્યો નથી અને હવે વધારો જોઈએ છે? ફરી વાલી-શાળાઓ વચ્ચે વિવાદ, CMO સુધી ફરિયાદ

• શાળાઓમાં ફી વધારાની માગ પર ફરી મુદ્દો ગરમાયો
• શાળા સંચાલક મંડળની માગ સામે વાલી મંડળનો વિરોધ 
• ઓલ ગુજરાત વાલી મંડળે રાજ્યપાલ, CM અને શિક્ષણમંત્રીને લખ્યો પત્ર

રાજ્યમાં ફરી વાર શાળામાં ફિ વધારાની માગ પર મુદ્દો ગરમાયો છે. શાળા સંચાલક મંડળની માગ સામે વાલી મંડળએ મોરચો માડ્યો છે જેઓએ ફિ વધારા મુદ્દે વિરોધ કર્યો છે. ઓલ ગુજરાત વાલી મંડળે રાજ્યપાલ અને મુખ્યમંત્રી ભૂપેન્દ્ર પટેલને તેમજ શિક્ષણમંત્રીને પત્ર લખ્યો  છે.

શાળાઓમાં ફી વધારાની માગ પર ફરી મુદ્દો ગરમાયો
શાળા સંચાલક મંડળની માગ સામે વાલી મંડળના વિરોધના શૂર ઉઠ્યાં છે. ઓલ ગુજરાત વાલી મંડળે રાજ્યપાલ, CM અને શિક્ષણમંત્રીને પત્ર લખ્યો છે. ગુજરાત રાજ્ય શાળાના સંચાલક મંડળે ફી વધારાની માગ કરી હતી. તમને જણાવી દઈએ કે, FRCમાં રૂપિયા 5 હજારની ફી વધારો કરવાની શાળા સંચાલક મંડળે માગ કરી હતી. જે બાબતે એવું પણ નિવેદન આવ્યું કે, સુપ્રીમકોર્ટનો નિર્ણય ન આવે ત્યાં સુધી નિર્ણય લેવો અયોગ્ય છે.

ઓલ ગુજરાત વાલી મંડળ
વાલી મંડળે જણાવ્યું કે, સરકાર શાળા સંચાલક મંડળની માગ સ્વીકારે તો કોર્ટ ઓફ કન્ટેમ્પ્ટ ગણાશે. તેમણે જણાવ્યું કે, 25 ટકા ફી માફીનો લાભ પણ ઘણી શાળાઓને હજુ સુધી આપ્યો નથી તેમણે જણાવ્યું કે, આવી શાળાઓ માટે એક કમિટી બનાવીને ફી માફી થવી જોઈએ.

 ફી વધારો અંગે સીએમને પત્ર લખ્યો હતો
તમને જણાવી દઈએ કે થોડા દિવસ અગાઉ શાળા સંચાલક મહામંડળે ફિ વધારાને લઈ સીએમ ભૂપેન્દ્ર પટેલને પત્ર લખ્યો હતો. જેમાં 5 હજારની ફી વધારાની માગ કરાઈ છે. સ્લેબ મુજબની ફી 2017થી લેવાઈ રહી છે ત્યારે આ બેઝિક ફી સ્લેબમાં વધારો કરવાની શાળા સંચાલક મહામંડળે માગ કરી છે.