સટ્ટબજાર / ભારતીય ટીમ તો હારી પણ બુકીઓ થયા માલામાલ, કરોડો રૂપિયા બનાવી ગયા 

• ભારત-પાક. મેચમાં બુકીઓની દિવાળી
• ભારતનો પરાજય થતા બુકીઓ કમાયા
• મેચ બાદ સટ્ટા બજારમાં મોટી ઉથલ પાથલ

ભારત પાકિસ્તાન વચ્ચેની મેચમાં બુકીઓની દિવાળી સુધરી ગઈ છે. ભારતનો પાકિસ્તાન સામે કારમો પરાજય થયા બાદ સટ્ટબજારમાં મોટી ઉથલપાથલ જોવા મળી હતી. મહત્વનું છે કે ભારત પાકિસ્તાનની મેર દરમિયાન કરોડો રૂપિયાનો સટ્ટો રમાતો હોય છે ત્યારે આ વખતે પણ ભારતની પાકિસ્તાન સામેની જીત પર કરોડ રૂપિયાનો સટ્ટા લાગ્યા હતા પરતું ભારતો ધબડકો થતા કરોડોના સટ્ટા પર પાણી ફરી વળ્યું હતું, જો કે આ વખતે બુકીઓની દિવાળી સુધરી ગઈ છે, કેમ કે ભારતો ભાવ 56 પૈસા, જ્યારે પાકિસ્થાનનો ભાવ 1.60 પૈસાએ ખુલ્યો હતો. જો કે એકલા રાજકોટ અને સૌરાષ્ટ્રમાં જ 500 કરોડથી વધુ સટ્ટો રમાયો હતો. 

ભારતનો પરાજય થતા બુકીઓ કમાયા

રવિવારે યોજાયેલી ભારત અને પાકિસ્તાનની ટીમ વચ્ચે T-20 વર્લ્ડ કપમાં ભારતનો કારમો પરાજય થયો છે. દુબઈ ઇન્ટરનેશનલ સ્ટેડિયમમાં પાકિસ્તાનના કેપ્ટન બાબર આઝમે ટૉસ જીતીને ભારતે પહેલા બેટિંગ કરી હતી. ભારતે 20 ઓવરમાં 7 વિકેટ ગુમાવીને 151 રન બનાવ્યા હતા. ભુવનેશ્વર કુમાર 5 રન અને મોહમ્મદ શમી 0 પર અણનમ રહ્યા. પાકિસ્તાનને જીત માટે 152 રનનો લક્ષ્યાંક આપ્યો હતો. જેમાં ભારતની શરમજનક હાર થઇ છે. પાકિસ્તાન આ વર્લ્ડકપનો પ્રથમ મુકાબલો 10 વિકેટથી જીત્યું છે.

મેચ બાદ સટ્ટા બજારમાં મોટી ઉથલ પાથલ

બુકીઓ દ્વારા દરેક મેચ પર સટ્ટો ખેલાતો હોય છે પરતું ભારત પાકિસ્થાનની મેચ હોય ત્યારે સટ્ટા બજાર વધુ ગરમ થઈ જતું હોય છે, દર વખતે ભારત-પાકિસ્તાન વચ્ચેના મેચમાં અન્ય મેચો કરતા વધુ સટ્ટો રમાતો હોય છે. આ મેચમાં મોટા ભાગના પંટરો ભારતની ટીમ ઉપર દાવ લગાડતા હોય છે ભારતીય ખેલાડીઓની વાત કરી તો ભારતના વિરાટ કોહલી અને રોહિત શર્મા પર સૌથી વધુ સટ્ટો લાગી લગાવવામાં આવતો હોય છે પરતું આ વખતે પાકિસ્થાન સામેની મેચમાં ભારતનું પ્રદર્શન ખરાબ રહેતા, ભારતનો કારમો પરાજય થયો હતો જેથી સટ્ટા બજારમાં આ વખતે બુકીઓની દિવાળી સુધરી ગઈ છે.  

મેચ બાદ સટ્ટા બજારમાં મોટી ઉથલ પાથલ

મહત્વનું છે કે રાજકોટમાં ભારત-પાક.મેચ દરમિયાન સટ્ટાબજાર ગરમાયો હતું જેમાં રાજકોટમાં સટ્ટો રમતા 4 સટોડીયા ઝડપાયા હતા. યનિવસિર્ટી રોડ પર જય એપાર્ટમેન્ટમાં સટ્ટો ચારી રહ્યો હોવાની બાતમી મળતા પોલીસે રેડ પાડી હતી જેમાં પોલીસ સટોડીયા સાથે TV, 6 મોબાઈસ સહિતનો મુદ્દામાલ કબ્જે કર્યો હતો.