છેલ્લા કેટલાક સમયથી ચીને ભારતીય સરહદમાં ઘૂસણખોરી વધારી દીધી છે. ગત મહિને ચીને લદ્દાખના જુદા જુદા સેક્ટરમાં છેલ્લા 14 દિવસમાં 14 વાર ઘુષણખોરી કરી હતી. ITBPના રિપોર્ટમાં આ ખુલાસો થયો છે. ચીનની સેનાએ લદ્દાખના ટ્રિગ હાઈટ અને ટ્રેક જંક્શનમાં 7 ઓગષ્ટ અને 16 ઓગષ્ટના રોજ 6 કિલોમીટર ભારતની સરહદમાં ઘુસ્યા હતા. ITBP અને સેનાએ વિરોધ નોંધાવતા ચીની સૈનિકો પરત ફર્યા હતાં પરંતું આખરે આ સમસ્યાનો અંત આવશે ક્યારે અને કેમ ચીન પોતાની હરકતો બંધ કરી રહ્યું નથી.
ચીની સૈનિકોએ ઓગષ્ટ મહિના બાદ ડેપસાંગ પ્લેન્સમાં વારંવાર 6 વખત ઘુષણખોરી કરી હતી. ITBPના અહેવાલ મુજબ ચીનની સેના સૌથી પહેલા 4 ઓગષ્ટે ડેપસાંગમાં 18 કિલોમીટર સુધી અંદર આવી હતી. બાદમાં ભારતીય સેનાએ ભારે વિરોધ નોંધાવ્યો હતો.
જેના કારણે ચીનીઓ પરત ફર્યા હતાં પરંતુ ચીની સૈનિકો વારંવાર આ પ્રકારની હરકતો કરી રહ્યા છે અને તે જાણે ભારતીય સેનાને કંઈ બતાવવા માગતા હોય તે રીતનું વર્તન કરી રહ્યા છે અને દરવખતની જેમ તેઓ ઘૂષણખોરીની હરકતો કરી રહ્યા છે અને ભારતીય સેનાના જવાનો તેમને પાછા કાઢી રહ્યા છે. આ ઘટના બાદ પણ એક પછી એક એમ 12 13 17 અને 19 ઓગષ્ટે ચીનના જવાનો ભારતીય વિસ્તારમાં ઘુસી આવ્યાં હતાં.
લદ્દાખ ટ્રિપ હાઈટ અને ડેપસાંગનો વિસ્તાર ભારત માટે વ્યુહાત્મક રીતે મહત્વનું સ્થાન ધરાવે છે. માટે ચીન અહીં પોતાનું પ્રભુત્વ જમાવવાના પ્રયાસ કરી રહ્યું છે. જેને કારણે ચીન વારંવાર ઘુષણખોરી કરતું રહે છે. આ વિસ્તારમાં ભારતનું મહત્વનું દૌલત બેગ ઓલ્ડી એરફીલ્ડ પણ આવેલું છે અને તેના કારણે ચીન અહીં નજર રાખીને બેઠું છે.
ચીની સૈનિકોએ પેગોંગ સો લેક વિસ્તારમાં ઓગષ્ટ મહિનામાં 5 વાર ઘુષણખોરી કરી હતી. પેગોંગ સો લેક એવું સ્થાન છે જ્યાં ચીન વારંવાર ઘુષણખોરીનો પ્રયાસ કરે છે. ગત વર્ષે ઓગષ્ટ મહિનામાં આ વિસ્તારમાં ચીની સૈનિકોએ ભારતીય જવાનો પર પથ્થરમારો કર્યો હતો.
જેનો ભારતીય સૈનિકોએ વળતો જવાબ આપ્યો હતો. નિષ્ણાતોના મતે ચીન જ્યાં પણ ઘુષણખોરી કરી રહ્યું છે તે વિસ્તાર ભારત માટે ખૂબ મહત્વપૂર્ણ છે. ચીન અહીં વારંવાર ઘુષણખોરીનો પ્રયાસ કરે છે. ઉત્તર લદ્દાખના ડેપસાંગ પ્લેનમાં 28 જુલાઈ અને 31 જુલાઈ વચ્ચે ચીની સેનાએ 17 થી 18 કિલોમીટર સુધી ઘુષણખોરી કરી હતી. આમ ચીન પોતાની હરકતોથી બાજ આવતું દેખાઈ રહ્યું નથી.