7 વર્ષની બાળકી પર કૌટુંબિક ભાઈએ દુષ્કર્મ આચર્યું,પોલીસે કૌટુંબિક ભાઈની કરી ધરપકડ
પંચમહાલમાં 7 વર્ષીય બાળકી પર દુષ્કર્મ
કૌટુંબિક ભાઈએ બાળકી પર આચર્યુ દુષ્કર્મ
પોલીસે આરોપી યુવકની કરી ધરપકડ
પંચમહાલમાં દુષ્કર્મની ચકચારી ઘટના સામે આવી છે જેને લઈ સમગ્ર વિસ્તારમાં અરેરાટી વ્યાપી ગઈ છે. 7 વર્ષની બાળકી પર કૌટુંબિક ભાઈએ દુષ્કર્મ આચર્યું જેને લઈ પોલીસ ફરિયાદ કરાતા પોલીસ આરોપીની ધરપકડ કરી લીધી છે. મહત્વનું છે કે ઘટનાને લઈ સ્થાનિકોમાં રોષ જોવા મળી રહ્યો છે.
પંચમહાલમાં 7 વર્ષીય માસુમ બાળકી પર દુષ્કર્મ
રાજ્યમાં અનેક વાર આવા ઘૃણાસ્પદ કિસ્સાઓ સામે આવતા હોય છે. ત્યારે પંચમહાલમાં પણ આવો જ એક કિસ્સો સામે આવ્યો જેમાં નરાધમ યુવકે સાત વર્ષની બાળકીને પોતાની હવસનો શિકાર બનાવી હતી. હાલ તો પોલીસે આરોપી યુવકની ધરપકડ કરી લીધી છે તેમજ દુષ્કર્મ પીડિત બાળકીને સારવાર અર્થે હોસ્પિટલ ખસેડવામાં આવી છે. ઘટનાની જાણ થતા જિલ્લા વહીવટી તંત્ર પણ હોસ્પિટલમાં આવી પહોંચ્યા હતા. સમગ્ર ઘટનાને લઈ પરિવારજનોમાં રોષ જોવા મળી રહ્યો છે. જ્યારે સ્થાનિકોએ આરોપી યુવકને સખ્ત સજા કરવાની આવે તેવી માંગ કરી છે.