માતા પાસેથી 6 લાખ રૂપિયા પણ પડાવી લીધા કોર્ટનો આદેશ છતાંય ભરણપોષણથી શોધી રહ્યો છે છટકબારી
માતા - પિતા માટે ચેતવણીરૂપ કિસ્સો
નિવૃતિનું આયોજન અત્યારથી કરજો
માતાની છેલ્લી મુડી પણ દિકરાએ પચાવી પાડી
માતા-પિતા પોતાના બાળકને ઉછેરવાની જવાબદારી નિભાવે છે પરંતુ આજના કળયુગના દિકરાઓ ઘરડા માં-બાપની જવાબદારીમાંથી ભાગી રહયા છે. આવો જ એક કિસ્સો અમદાવાદના કુષ્ણનગર વિસ્તારમાં સામે આવ્યો છે.
માતાને તરછોડી પત્ની સાથે બીજે રહેવા જતો રહ્યો નાનો દીકરો
આજના જમાનામાં હજુય ઘરડા ઘરમાં અનેક માતા પિતા આશરો લઈ રહ્યા છે. અનેક એવા સંતાનો છે જે તેમના માતા પિતાને રાખતા નથી. આખી જિંદગી જે સંતાનોને પાળીને મોટા કર્યા તે જ સંતાનો હવે માતા પિતાની કાળજી રાખતા નથી. આવો જ એક કિસ્સો સામે આવ્યો છે. અમદાવાદના અસારવા વિસ્તારમાં રહેતા 84 વર્ષના વૃદ્ધ માતાને વર્ષ 2014થી તેમના મોટા પુત્ર, પુત્રવધુ અને પૌત્ર સાથે રહે છે. વૃદ્ધાને સંતાનમાં બે દીકરા અને એક દીકરી છે. દીકરી લગ્ન બાદ તેના સાસરે રહે છે. વૃદ્ધાના પતિનું વર્ષ 2002માં બીમારીના કારણે અવસાન થયું હતું. વર્ષ 2014 પહેલા વૃદ્ધા સંયુક્ત કુટુંબમાં રહેતા હતા અને તેમના બંને પુત્રો ભરણ પોષણ અને દવાદારૂનો ખર્ચ ઉઠાવતા હતા. પણ વર્ષ-2014 બાદ વૃદ્ધાનો નાનો પુત્ર પત્ની અને સંતાન સાથે હીરાવાડી રહેવા જતો રહ્યો હતો.
જેથી વૃદ્ધાનો મોટો પુત્ર દવાદારૂ અને ભરણ પોષણનો ખર્ચ ઉઠાવતો હતો. નાનો પુત્ર સારું કમાતો હોવા છતાંય કોઈ ખર્ચ ઉઠાવતો નહિં જેથી વૃદ્ધાએ દીકરા વિરુદ્ધ ફરિયાદ નોંધીને ન્યાયની માંગ કરી છે. મોટા દીકરાની આર્થિક હાલત એવી પણ સારી નથી કે આ માતા પાછળ વધુ ખર્ચ કરી શકે જેથી હવે હક્ક અપાવવા કાયદાકીય લડત લડી રહેલી આ માં સહાયને આસરે છે. ઘડપણમાં લાકડીનો ટેકો બનેલો દીકરો હાલ માતાને કોર્ટ અને પોલીસ સ્ટેશનના ધક્કા ખવડાવી રહ્યો છે.
ભરણ ખર્ચ ન આપ્યો, પણ 6 લાખ ચાઉ કરી ગયો
નાનો દીકરો ખાધે પીધે સુધી છે છતાંય તેને જણધારીને અવગણી રહ્યો છે. આખરે છેલ્લી આશે પુત્રને લઈને વૃદ્ધ માતાએ સીટી ડેપ્યુટી કલેકટર ઇસ્ટ અને સબ ડિવિઝનલ મેજિસ્ટ્રેટ કચેરીમાં ભરણ પોષણની અરજી હતી. જે અરજી પર 3 ઓક્ટોબર 2019ના રોજ હુકમ થયો કે વૃદ્ધાના નાના પુત્રએ દર મહિનાની પાંચમી તારીખે પાંચ હજાર માતાના ભરણ પોષણ અને દવાના આપવાના રહેશે. છતાંય વૃદ્ધાનો નાનો પુત્ર આ ખર્ચ ન આપી તેઓની જવાબદારી નિભાવી નથી. પરંતુ પુત્રે છેતરપીંડીથી બેન્કમાંથી 6 લાખ રૂપિયા ઉપાડી દિધા હતા. જેથી ઘડપણમાં માતાને ઠોકર ખાવાનો વખત આવ્યો છે. ભરણ પોષણનો ખર્ચ વર્ષ 2019થી ન આપતા વૃદ્ધાએ આ હુકમની નકલ સાથે પોલીસની મદદ લીધી હતી. આ માતા પોતાનું ઘડપણ સ્વમાનથી જીવે અને પોલીસ મદદરૂપ થાય તેવી આશા છે. સાથે એ પણ સંદેશો છે કે જો ઘડપણમાં મો ઊચું કરીને જીવવું હોય તો નિવૃતિનું આયોજન સારી રીતે કરજો નહિતર...