દુબઈમાં રહેતા પતિએ સોપારી આપીને તેની પત્નીની હત્યા કરાવી કારણકે તેને તેની પત્નીના ચારિત્ર્ય પર શંકા હતી. હત્યા કરનાર આરોપીની ગોરખપુરથી ધરપકડ કરવામાં આવી ત્યારે સમગ્ર મામલો સામે આવ્યો
દુબઈમાં રહેતા પતિએ સોપારી આપી પત્નીની હત્યા કરાવી
5 લાખ રૂપિયા આપીને કરવા પત્નીની હત્યા
હત્યાને અંજામ આપનાર શખ્સ પોલીસના સકંજામાં
ઉત્તરપ્રદેશમાં વધી રહેલી ગુનાખોરી વીશે સૌ કોઈ માહિતગાર છે. પરંતુ હવે તો અહીયા ચોંકવનારા કિસ્સાઓ સામે આવી રહ્યા છે. દુબઈમાં રહેતા એક શખ્સે તેની પત્નીના ચારિત્ર્ય પર શંકા હતી જેના કારણે તેણે તેની પત્નીની સોપારી આપીને હત્યા કરાવી નાખી. જોકે હત્યાને અંજામ આપનાર શખ્સ ઉત્તરપ્રદેશના ગોરખપુરનો રહેવાસી હોવાનું સામે આવ્યું છે.
ગોરખપુરથી હત્યારાની ધરપકડ
પતિએ તેની પત્નીની હત્યા કર્ણાટકમાં કરાવી હોવાનું સામે આવ્યું છે. થોડાક દિવસો અગાઉ કર્ણાટક પોલીસે ગોરખપુરથી સ્વામીનાથ નામના શખ્સની ધરપકડ કરી હતી. સ્વામીનાથ એજ શખ્સ હતો કે જેણે પત્નીની હત્યાને અંજામ આપ્યો હતો.
શંકાને સ્થાન આપીને આપ્યો હત્યાને અંજામ
પોલીસ તપાસમાં સામે આવ્યું છે કે આરોપીનો કોઈ ગુનાહિત ઈતિહાસ નથી. પરંતુ તે દુબઈમાં કામ કરતો હતો તે સમયે તેની પતિ સાથે મિત્રતા થઈ હતી. પતિએ તેની પત્નીને મોતને ઘાટ ઉતારવા સ્વામીનાથના એકાઉન્ટમાં ઓનલાઈન 5 લાખ રૂપિયા ટ્રાન્સફર કર્યા હતા. કારણકે તેને તેની પત્નીના ચારિત્ર્ય પર શંકા હતી. જે શંકાને સ્થાન આપીને તેણે પત્નીની હત્યા કરાવી કાઢી.
ગળું દબાવીને કરી હત્યા
બનાવના દિવસે સ્વામીનાથન કર્ણાટક પહોચ્યો જ્યા તે ડિલવરી બોય બનીને પત્નીને ઘરે પહોચ્યો હતો. પત્નીએ જેવો દરવાજો ખોલ્યો કે ડિલીવરી બોયે ગળું દબાવીને મહિલાને મોતને ઘાટ ઉતારી દીધી. સાથેજ પત્નીએ જેટલા પણ દાગીના પહેર્યા હતા. તે દાગીના પણ તેણે ઉતારી દીધા અને બાદમાં તેણે દરવાજો બહારથી લોક કરી દીધો હતો.
બેંક એકાઉન્ટ ચેક કરતા થયો પર્દાફાશ
ઉલ્લેખનીય છે કે પત્નીની હત્યા કર્ણાટકમાં થઈ હતી. જેથી કર્ણાટક પોલીસે જ્યારે તપાસ આરંભી ત્યારે તેમણે પતિના બેંક એકાઉન્ટની પણ તપાસ કરી હતી. જેમા પોલીસે 5 લાખનું ટ્રાન્ઝેકશન જોયું હતું. સમગ્ર મામલે હાલ પોલીસે પતિને ઝડપી પાડવા માટેની તૈયારીઓ શરૂ કરી છે. પરંતુ હાલ હત્યારો પતિ દુબઈમાં છે.