જાણ બહાર / દિયોદરના ફોરણામાં ચોંકાવનારો કિસ્સો, પત્ની સાથે ક્યારે છૂટાછેડા થઈ ગયા પતિને જાણ જ નથી!

• દિયોદરની પરણીતાએ છૂટાછેડા લઈ લીધા પતિને જાણ નથી
• પત્ની, નોટરી, સાક્ષી વિરુદ્ધ પતિએ પોલીસ ફરિયાદ નોંધાવી
• પતિની જાણ બહાર પરણીતાએ ડોક્યુમેન્ટનો છૂટાછેડા માટે કર્યો ઉપયોગ

દિયોદરમાં એક એવો કિસ્સો બન્યો કે, તમે પણ વિચારતા રહી જશો. ફોરણા નામના ગામની પરણીતાએ છૂટાછેડા તો લીધા છે. પરંતુ તેના ખુદના પતિને છૂટાછેડા વિશે કંઈ ખબર નથી. આ વાંચીને તમને પણ સવાલ થતો હશે કે, પતિ-પત્ની વચ્ચે છૂટાછેડાની પતિને ખબર જ નથી. જી હા...પત્નીએ પોતાના પતિ સાથે છૂટાછેડા લઈ લીધા છે. અને તેની નોટરી કરનાર વકીલ વિરુદ્ધ પોલીસ ફરિયાદ નોંધાઈ છે. ત્રણ વર્ષ પહેલા લગ્ન થયા હતા. જે હવે પોલીસ મથક સુધી પહોંચ્યા છે. 

આવો છે કંઈક સમગ્ર મામલો

દિયોદરના ફોરણા ગામની એક પરણીતાએ પોતાના પતિના ડોક્યુમેન્ટના આધારે એક સ્ટેમ્પ બનાવડાવ્યો અને તેની નોટરી પણ વકીલ દ્વારા કરવામાં આવી હતી. તો આ સ્ટેમ્પમાં સાક્ષીની પણ સહી છે. તમામ પ્રક્રિયા કાનૂની રીતે કરી હોવાની પ્રાથમિક માહિતી છે. પરણીતાએ આ સ્ટેમ્પ પોતાના પતિથી અલગ થવા માટે બનાવડાવ્યો હતો. અને તેના આધારે પરણીતાના છૂટાછેડા થઈ ગયા છે. પરંતુ તેના પતિને આ વાતનો ખ્યાલ પણ આવ્યો નહોતો. જેની જાણ થયા બાદ પતિએ પોલીસની મદદ લીધી છે. પોલીસે પત્ની, નોટરી કરનાર, સાક્ષી વિરદ્ધ સમગ્ર મામલો દાખલ કર્યો છે. 

ક્યાં છે પરણીતા

ફોરણા ગામના 27 વર્ષના યુવક વિક્રમ ચૌધરીના લગ્ન ત્રણેક વર્ષ અગાઉ સમાજના રીત રીવાજ મુજબ કાંકરેજના ખોડા ગામે મોંઘીબેન સાથે થયા હતા. મોંઘીબેન 21 ડિસેમ્બરના રોજ પોતાના પિયરે ગઈ હતી. આ દરમિયાન વિક્રમભાઈ ચૌધરી બીજા દિવસે દિયોદર પોતાની પત્નીને મળ્યા હતા અને તેમને પૂછ્યું હતું કે, તું ક્યારે ઘરે આવે છે? જેના જવાબમાં મોંઘીબેને કહ્યું કે, આપણા છુટ્ટાછેડાં થઈ ગયેલાં છે અને હવે હું તમારા ઘરે ક્યારેય આવવાની નથી. મારા લગ્ન દિયોદર તાલુકાના છાપરા ગામના ભરત ચૌધરી સાથે થયા છે.