સોશિયલ મીડિયા પર પ્રેમી અને પ્રેમિકા બનીને પ્રેમમાં પડેલા પતિ અને પત્નીના એક કિસ્સાએ ભારે ચર્ચા જગાવી છે.
કર્ણાટકના માંડાની ઘટના
પત્નીથી કંટાળ્યાં પતિ પરમેશ્વર
ઈન્સ્ટાગ્રામ પર શોધવા લાગ્યાં પ્રેમિકા
ભૂલથી પત્ની સાથે કરવા લાગ્યાં ગુપ્ત ચેટ
ભાગીને લગ્ન કરવાની વાત આવતાં ખુલ્યું રહસ્ય
પરણિત લોકો લગ્નજીવનથી કંટાળીને સોશિયલ મીડિયા પર નવા પાર્ટનર શોધતા હોય છે અને ક્યારેક એવું અણધાર્યું બની જતું હોય છે તે જીવન પહેલા કરતાં પણ વધારે દુખોથી ભરી જાય છે. એક કપલ સાથે પણ આવું બન્યું.
પતિ પરમેશ્વર પોતાના ઘરની લક્ષ્મીથી કંટાળી ગયા અને તેમણે નવા જીવનસાથી શોધવા બહાર ફાંફા મારવા લાગ્યા, પત્નીને પણ પતિદેવના મેલા ઈરાદાની જાણ થઈ અને તેણે પણ તેને પાઠ ભણાવવાનું નક્કી કરી લીધું. એક દિવસ તે ઈન્સ્ટાગ્રામ પર ચેટિંગનો રસ્તો પસંદ કરીને પતિની ગર્લફ્રેન્ડ પણ બની હતી. બંને તરફથી ચાલી રહેલા પ્રયાસો સફળ રહ્યા હતા. પરંતુ પતિએ લગ્ન કરીને ઘરમાંથી ભાગી જવા માટે પ્રપોઝલ મોકલ્યું તો પ્રેમિકા બની ગયેલી ગુસ્સે ભરાયેલી પત્નીએ હોબાળો મચાવ્યો હતો. પરિવારના સભ્યોએ ગમે તેમ કરીને બંનેને શાંત પાડ્યા પરંતુ તેટલી વારમાં તો આ કહાનીને પગ આવી ગયા અને વાયુવેગે ઉપડી આખા ગામમાં પછી ગામમાં પણ ચર્ચા ચાલી અને લોકોએ પોતપોતાના રંગમાં કહાનીને રંગી નાખીને વાતનું વતેસર પણ કરી નાખ્યું.
શું થયું પતિ અને પત્ની વચ્ચે
પતિએ ઈન્સ્ટાગ્રામ પર ફેક નેમ હેઠળ એક પ્રોફાઈલ બનાવી અને છોકરીઓ સાથે ચેટિંગ કરવા લાગ્યો. પત્નીને શંકા જતાં તેણે ઇન્સ્ટાગ્રામ પર બીજા નામ સાથેનું આઇડી પણ તૈયાર કરી લીધું હતું અને ફ્રેન્ડ રિક્વેસ્ટ પતિના આઇડી પર મોકલી હતી. પ્રોફાઈલ પર તસવીર જોઈને પતિનું મન ચોંકી ગયું અને તે ચેટિંગ કરવા લાગ્યો. વાતચીત લાંબા સમય સુધી ચાલતી રહી.
પતિએ ગર્લફ્રેન્ડ બનેલી પત્નીને મોકલી લવ ગિફ્ટ
આ દરમિયાન પતિએ ઈન્સ્ટાગ્રામ પર પત્નીને પ્રેમની ભેટ મોકલી હતી. એટલું જ નહીં, રેલવે કર્મચારી હોવાનો દાવો કરીને લગ્નનો પ્રસ્તાવ મૂક્યો હતો. સાથે જ એમ પણ કહેવામાં આવ્યું છે કે, બંને પોત-પોતાના ઘરેથી ભાગીને સુખી જીવન વિતાવશે. જ્યારે આ વાતથી પત્નીને આઘાત લાગ્યો ત્યારે તેણે વર્ચ્યુઅલ વર્લ્ડના પ્રેમની કહાનીને ઉજાગર કરતા પતિનું સત્ય ઉજાગર કર્યું હતું. ઘરમાં શરૂ થયેલો હંગામો બહાર આવ્યો અને પછી પાડોશીઓને પણ ખબર પડી.
સોશિયલ મીડિયા પર આવું આવું બન્યું
ઉલ્લેખનીય છે કે સોશિયલ મીડિયા પર લોકો ઓળખ છુપાવીને નવા જીવનસાથી સાથે લવ ચેટિંગ કરતા હોય છે અને ઘણી બધી વાર ફેડ આઈડીથી નજીકના સગાવહાલાં કે પતિ પત્ની પણ એકબીજાને પ્રેમી કે પ્રેમિકા સમજીને ચેટિંગ કરતા હોય છે અને આવી ઘણી બધી ઘટનાઓ પણ બની ચૂકી છે. ત્રણ મહિના પહેલાં ફેસબુક પર પણ આવી જ એક ઘટના બની હતી જેમાં ફ્રેન્ડ બનેલી પોતાની કઝિન બહેન સાથે એક યુવાને લગ્નનો પ્રસ્તાવ મૂક્યો હતો. બહેને જ્યારે તસવીર મોકલી તો સત્ય સામે આવ્યું. ઈન્સ્ટાગ્રામ પર પોતાના અસલી અંકલ સાથે મિત્રતા કર્યા બાદ એક યુવતી પ્રેમી-પ્રેમિકા બનીને મળવા આવી, પછી ખુલ્યું રહસ્ય ભરતગંજ ચોકડી વિસ્તારમાં રહેતી એક પરિણીત મહિલાએ પણ એક યુવક સાથે મિત્રતા કરી હતી, પરંતુ જ્યારે તે બારાહી માતાના ધામમાં તેને મળવા પહોંચી તો તે યુવક ફૂવાનો છોકરો નીકળ્યો હતો.