બીજી લહેરમાંથી બોધપાઠ લઈને સંભવિત ત્રીજી લહેરના જોખમ સામે લડવા રાજકોટમાં ઇન્ડો-અમેરિકન મુવેબલ હોસ્પિટલ શરૂ કરાશે
રાજકોટમાં મુવેબલ હોસ્પિટલ કરાશે શરૂ
ઇન્ડો-અમેરિકન મુવેબલ હોસ્પિટલ બનશે
100 બેડની મુવેબલ હોસ્પિટલ કરાશે શરૂ
કોરોનાની સંભવિત ત્રીજી લહેરને લઈ તંત્ર હવે સજ્જ બન્યું છે, રાજકોટમાં ચૌધરી હાઈસ્કૂલના મેદાનમાં 100 બેડની દેશની પ્રથમ મુવેબલ હોસ્પિટલ બનવા જઈ રહી છે. મહત્વનું છે કે કોરોનાની બીજી લહેરમાં આરોગ્યની સુવિધાઓ કથડી હતી અને ઓક્સિજનના અભાવ, તેમજ આઈસીયુ જેવી સેવાઓને લઈ મુશ્કેલી સર્જાઈ હતી હતી ત્યારે બીજી લહેરમાંથી બોધપાઠ લઈને સંભવિત ત્રીજી લહેરના જોખમ સામે લડવા અત્યારથી જ તૈયારીઓ શરૂ કરી દેવામાં આવી છે.
ગણતરીના કલાકોમાં જ આ હોસ્પિટલ બની જશે
તંત્ર દ્વારા તમામ સ્તરે તૈયારીઓ સ્ટેન્ડ ટુ રાખવામાં આવી છે. ત્યારે રાજકોટમાં ચૌધરી હાઇસ્કૂલના મેદાનમાં 100 બેડની ઇન્ડો-અમેરિકન સિસ્ટમની સમગ્ર ભારતમાં પ્રથમ મુવેબલ હોસ્પિટલ બની છે.એક નવીન ટેક્નોલોજી સાથે ચૌધરી હાઇસ્કૂલના મેદાનમાં જરૂર પડ્યે એકસાથે 100 બેડની વ્યવસ્થા કરી શકાય તેવી ઇન્ડો અમેરિકન ટેક્નોલોજીની મુવેબલ હોસ્પિટલની તૈયારી કરવામાં આવી છે.
કોરોનાની બીજી લહેર દરમિયાન સિવિલ હોસ્પિટલની બહાર મંડપ ઉભા કરીને તેમા દર્દીઓને સારવાર આપવી પડે તેવી હાલત સર્જાઇ હતી. ત્યારે હવે મંડપની જગ્યાએ ગણતરીની મિનિટોમાં જ આઇ.સી.યુ.માં ઉપલબ્ધ હોય તેવી સુવિધા સાથે હોસ્પિટલનો જ રૂમ હોય તેવી વ્યવસ્થા ઉભી થઇ જાય તેવી ટેક્નોલોજી યુક્ત વ્યવસ્થા તૈયાર કરાઇ છે. હવે પેરાશૂટની જેમ હવા ભરતા જ ગણતરીના કલાકોમાં જ હોસ્પિટલ તૈયાર થઈ જાય છે. અહી ઈન્ડો-અમેરિકન ફાઉન્ડેશન દ્વારા બે દિવસ ટ્રાયલ બેઝ પર આ હોસ્પિટલ શરૂ કરવામાં આવી જે બાદ સમગ્ર કામગીરીનું કલેક્ટર દ્વારા નિર્દેશન કરાશે.
રાજકોટમાં મુવેબલ હોસ્પિટલ કરાશે શરૂ
કોરોનાની બીજી ઘાતક લહેરમાં ઓક્સિજન બેડ, સામાન્ય બેડ સહિતના સાધનોને લઇને જે સ્થિતિ થઇ હતી તેમાથી બોધપાઠ લઇને સંભવિત ત્રીજી લહેર સામે અત્યારથી જ તમામ સ્તરે તૈયારીઓ સ્ટેન્ડ ટુ રાખવામા આવી છે.