સોશિયલ મીડિયા / Facebookના મેસેન્જર એપમાં હવે હોલિવુડ ફિલ્મની થીમ આવશે

• સોશિયલ મીડિયા જાયન્ટ ફેસબુકનો ઉપયોગ અબજો લોકો કરે છે
• સૂત્રોના જણાવ્યા મુજબ ફેસબુક ટૂંક સમયમાં ભારતમાં સ્ટાર વોર્સ થીમ રજૂ કરશે
• સ્ટાર વોર્સ થીમ એકટિવેચ કરવા ફેસબુક મેસેંજરને અપડેટ કરવું પડશે

ફેસબુકે મેસેંજર માટે એક ખાસ થીમ રજૂ કરી છે

યુઝર્સને આ નવી થીમમાં સ્ટીકર્સ, રિએકશન અને એઆર ઇફેકટનો સપોર્ટ મળશે. જોકે ભારતીય યુઝર્સ હાલ આ થીમનો ઉપયોગ કરી શકશે નહીં. સૂત્રોના જણાવ્યા મુજબ ફેસબુક ટૂંક સમયમાં ભારતમાં સ્ટાર વોર્સ થીમ રજૂ કરશે. આ થીમ માટે ફેસબુકે ડિઝની સાથે ભાગીદારી કરી છે. યુઝર્સ આ થીમ દ્વારા તેમની પસંદગીના સ્ટાર વોર્સના કેરેકટરનું વોલપેપર પસંદ કરી શકશે. આ સિવાય થીમમાં હસતા,રડતા અને ગુસ્સો કરતાં ઇમોજીનો સપોર્ટ મળશે. સ્ટાર વોર્સ થીમ એકટિવેચ કરવા ફેસબુક મેસેંજરને અપડેટ કરવું પડશે. આ પછી  મેસેન્જર એપ્લિકેશનમાં થ્રેડ નામના ઓપ્શન પર ટેપ કરવું પડશે, જ્યાં સેટિંગ ખુલશે. જેમાં સ્ટાર વોર્સ થીમ પસંદ કરવાનો ઓપ્શન મળશે.

ફેસબુકે આ નવી થીમ વિશે જણાવ્યું છે કે યુઝર્સને વીડિયો કોલ્સમાં એઆર ફીચરનો ટેકો મળશે. તેના દ્વારા યુઝર્સ મેસેંજર કેમેરાથી એઆર ઇફેક્ટવાળા ફોટા ક્લિક કરી શકશે. ઉલ્લ્ખેખનીય છે કે ગૂગલે એઆર સ્ટીકર્સ દ્વારા સ્ટાર વોર ફિલ્મનું પ્રમોશન કર્યું હતું.