OMG / મને તો ભગવાન પણ નહીં પકડી શકે : હિસ્ટ્રીશીટરે પોલીસને આપ્યો ખુલ્લો પડકાર બાદમાં એવું થયુ કે...

• મુંબઇમાં એક ચોરે પોલીસને આપ્યો પડકાર 
• પડકાર ઝીલીને પોલીસે તેને દબોચી લીધો
• ખોપડી તરીકે ઓળખાતો હતો આ માણસ

મહારાષ્ટ્રની રાજધાની મુંબઈમાં એક શેતાન ખોપડીએ પોલીસને પડકાર ફેક્યો હતો કે, ભગવાન પણ તેને પકડી ન શકે તો પોલીસ તો શું ચીજ કહેવાય. આખરે  મુંબઈની આરે ચોકીની પોલીસે તે બદમાશની ચેતાવણીનો સ્વીકાર કર્યો અને થોડાં જ સમયગાળામાં તેને શોધીને દબોચી લીધો હતો. હાલ તેને જેલમા પૂરી દેવામા આવ્યો છે. ધરપકડ થયા પછી તેણે કહ્યું કે, ભગવાન તો મને ના જ પકડી શકતા જ પણ હું પોલીસવાળાને ભૂલી ગયો હતો.

કોણ છે આ હિસ્ટ્રીશીટર
મળતી માહિતી અનુસાર મુંબઈના પોવઈ વિસ્તારમાં રહેતો 26 વર્ષનો  પપ્પુ હરિશ્વંદ્ર નામનો માણસ કે જેને લોકો 'ખોપડી ' તરીકે ઓળખાવે છે. મુંબઈના પોવઇ, સાકી નાકા, એમઆઇડીસી અને આરા સહિતના કેટલાય પોલીસ સ્ટેશનમાં તેના નામે ઢગલો ફરિયાદ નોંધાયેલી છે અને તે 2013 થી ગુમનામ હતો. 

કેવી રીતે આપી ચેલેન્જ 
2013 થી વોંટેડ આ આરોપીની પોલીસ તપાસ કરી રહી હતી પરંતુ તે પોલીસના હાથમાં આવતો નહોતો. તેણે ચોકીના અધિકારીઓને એક ચિઠ્ઠી દ્વારા સંદેશ મોકલાવ્યો હતો કે, મને તો  ભગવાન પણ ન પકડી શકે તો પોલીસવાળાની તો વાત જ શું કરાય?  

ક્યાંથી પકડાઇ આ શેતાન ખોપડી 
આરા પોલીસ ચોકીના પોલીસ ઉપનિરીક્ષક ઉલહાસ ખોલમે જણાવ્યું હતું કે, અમને ને એવી બાતમી મળી હતી કે વોન્ટેડ હિસ્ટ્રીશીટર રોયલ પામ વિસ્તારમાં તે આવવાનો છે." આથી પોલીસે સમયસૂચકતા જાળવીને તેને પકડી પાડ્યો. 

શું હતો પ્લાન
વોન્ટેડ હિસ્ટ્રીશીટર રોયલ પામ વિસ્તારમાં ચોરી કરવાના ઇરાદે આવ્યો હતો તેવી પોલીસને ખબરપત્રી દ્વારા માહિતી મળી હતી. તેને પકડવા માટે સાદી વરધીમા પોલીસનો કાફલો તૈનાત કરવામાં આવ્યો હતો જેથી તેને પોલીસ જાળમાં ફસાવી શકે. જ્યારે તેને પકડી પાડવામાં આવ્યો ત્યારે પોલીસને તેની પાસેથી દેશી તમંચો અને કારતૂસ મળી આવ્યા હતાં. 

પોલીસે આઇપીસી અને આર્મ્સ એક્ટ ધારા હેઠળ ફરિયાદ દાખલ કરી છે. પોલીસનું કહેવું છે કે તેને મુંબઇના એ તમામ પોલીસ સ્ટેશનમાં મોકલાવવામાં આવશે કે જ્યાં જ્યાં તેના નામે ફરિયાદ દાખલ છે. 

મહત્વનું છે કે, છેલ્લાં 8 વર્ષથી પોલીસની આંખમાં ધૂળ નાખતા આ આરોપીને પોલીસે સફળતાપૂર્વક જડપી પાડ્યો હતો. પોલીસની આ કામગીરીને લોકોએ ખૂબ વધાવી હતી.