આગાહી / ગુજરાતના 90 તાલુકામાં વરસાદી મહેર, સૌથી વધુ આ જિલ્લામાં વરસાદ, આગામી 5 દિવસ ભારે આગાહી

• વલસાડના ઉમરગામમાં આભ ફાટ્યું
• અમદાવાદમાં પણ અનેક વિસ્તારોમાં વરસાદ
• વલસાડ મધુબન ડેમમાં નવા પાણીની આવક  

ગુજરાતમાં હવામાન વિભાગે વરસાદ આગામી 5 દિવસ સુધી સારો વરસાદ પડવાની આગાહી કરી છે હાલ બંગાળની ખાડીમાં લો-પ્રેશર સક્રિય થતા સપ્ટેમ્બરના પ્રથમ અઠવાડિયા દરમિયાન વરસાદી ઝાપટા પડવાની શક્યતાઓ સેવાઈ રહી છે. ત્યારે દક્ષિણ ગુજરાત અને સૌરાષ્ટ્રમાં ભારે વરસાદની આગાહી સેવાઈ રહી છે 

અમદાવાદમાં પણ અનેક વિસ્તારોમાં વરસાદ 

મહત્વનું છે કે લાંબા વિરામ બાદ હવે મેઘરાજા મન મુકી છે વરસી રહ્યા છે ગઈ કાલે રાજ્યના 115 તાલુકાઓમાં સારો એવો વરસાદ ખાબક્યો હતો, જ્યારે આજે વહેલા સવારથી રાજ્યના અનેક જિલ્લાઓમાં વરસાદી માહોલ જોવા મળી રહ્યો છે. અમદાવાદમાં પણ અનેક જગ્યાએ ધીમીધારે વરસાદ પડતા વાતાવરણમાં ઠંડક પ્રસરી ગઈ છે. શહેરના પૂર્વ વિસ્તાર સહિત  બોડકદેવ, વેજલપુર, શિવરંજનીમાં વરસાદ પડતા રોડ રસ્તા પર પાણી જોવા મળી રહ્યા છે. 

વલસાડ મધુબન ડેમમાં નવા પાણીની આવક 

આ તરફ વલસાડ જિલ્લામાં પણ ભારે વરસાદને કારણે મધુબન ડેમમાં નવા પાણીની આવક થઇ છે. ડેમમાં હાલ 46 હજાર ક્યુસેક પાણીની આવક થતા દમણગંગા નદીમાં પાણી છોડવામાં આવ્યું છે. લાંબા વિરામ બાદ હવે મેઘરાજા મહેરબાન બન્યા છે ત્યારે આજે સવારથી જૂનાગઢ, ભાવનગર,અમદાવાદ, મોરબી, કચ્છ, રાજકોટ, પાટણ, સુરેન્દ્રનગર, ગીર-સોમનાથ, સુરત, મહેસાણા, વડોદરા સહિતના મોટા ભાગના વિસ્તારોમાં સામાન્યથી ભારે વરસાદ નોંધાયો છે.

વલસાડના ઉમરગામમાં આભ ફાટ્યું

આ તરફ પાટણ, બનાસકાંઠા, સાબરકાંઠા, વલસાડ, મહેસાણા, તાપી, ગાંધીનગર, છોટાઉદેપુર, ખેડા, અરવલ્લી, અમદાવાદ સહિતમાં સામાન્ય વરસાદ નોંધાયો છે. તો સૌથી વધુ ઉમરગામમાં 10 ઇંચ જેટલો વરસાદ ખાબક્યો છે એક સાથે વરસાદ ખાબકતાં વાપી અને ઉમરગામ તાલુકામાં નીચાણવાળા વિસ્તારોમાં વરસાદી પાણીનો ભરાવો થયો હતો. એના નિકાલની લાઈન બ્લોક થતાં પાણીનો ભરાવો થયો હતો, જેને લઈને સ્થાનિક લોકોને ભારે હાલાકીનો સામનો કરવો પડ્યો હતો ભારે વરસાદને પગલે જિલ્લા કલેક્ટર પર અસરગ્રસ્તોની મુલાકાતે દોડી આવ્યા હતા. જ્યારે વાપીમાં 5 ઇંચથી વધુ વરસાદ નોંધાયો છે ભારે વરસાદને લઇ જિલ્લા કલેક્ટર સહિત વહીવટી તંત્ર પણ અલર્ટ બન્યું છે.

સુરત શહેર સહિત ગ્રામ્ય વિસ્તારોમાં વરસાદ

સુરત શહેરમાં ફરી શરૂ થયો વરસાદ છે સુરતમાં નાનપુરા, રિંગરોડ, અડાજણ, પર્વત પાટિયા, તેમજ ગ્રામ્ય વિસ્તારોમાં પણ સારો  વરસાદ પડવાથી ખેડૂતોમાં પણ  આનંદ જોવા મળી રહી છે. ખાસ કરીને સૌરાષ્ટ્ર, દક્ષિણ તેમજ ઉત્તર ગુજરાતમાં સારો વરસાદ પડી રહ્યો છે. છેલ્લા 24 કલાકમાં 115 તાલુકામાં અડધાથી 2 ઈંચ જેટલો વરસાદ વરસ્યો છે, જેમાં સૌથી વધુ પંચમહાલના મોરવાહડફ તાલુકામાં 2 ઈંચ જેટલો વરસાદ નોંધાયો છે સુરતના ઓલપાડ, માંગરોળ, ઉમરપાડામાં વરસાદ પડ્યો જ્યારે વેરાવળમાં પણ સારો વરસાદ પડતા  મગફળી, સોયાબીન, તુવેરના પાકને જીવનદાન મળ્યું છે.