મોલ અને મલ્ટિપ્લેક્સમાં પાર્કિંગ ચાર્જને લઇ ગુજરાત હાઇકોર્ટે મહત્ત્વપૂર્ણ ચુકાદો આપ્યો છે. હવે મોલ અને મલ્ટીપ્લેક્સના સંચાલકો મનફાવે તેમ પાર્કિંગ ચાર્જ નહીં ઉઘરાવી શકે. અને જો મોલ-મલ્ટિપ્લેક્સના સંચાલકો બેફામ ચાર્જ વસૂલશે તો કોર્પોરેશન અને પોલીસ કાયદેસરની કાર્યવાહી કરી શકશે. અગાઉ હાઇકોર્ટની સિંગલ બેન્ચે પાર્કિંગ ચાર્જ નિયત કર્યા હતા. ત્યારે નક્કી કરાયેલા પાર્કિંગ ચાર્જના નિર્ણયને હાઇકોર્ટની ડિવિઝન બેન્ચે રદ કર્યો હતો. જો કે શહેરમાં પાર્કિંગને લઇ અનેક સમસ્યાઓ છે. શહેરોમાં કોમર્શિયલ કોમ્પ્લેક્ષમાં પાર્કિંગની પૂરતી સુવિધા નથી.જૂના રોડ પર ખરીદી માટે જવું હોય તો વાહન રોડ પર પાર્ક કરવું પડે છે. અને જો રસ્તા પર વાહન પાર્ક થાય તો ટોઇંગ થઇ જાય છે. જ્યારે બીજીબાજુ મલ્ટિપ્લેક્સના માલિકો બેફામ પાર્કિંગ ચાર્જ ઉઘરાવે છે. બિલ્ડરો મહાનગરપાલિકામાં પ્લાન પાસ કરાવે અને પાર્કિંગની જગ્યાએ બિલ્ડિંગ બનાવી દે છે જેના કારણે પાર્કિંગની સુવિધા જ પૂરતી નથી મળતી.