વડોદરામાં રખડતા ઢોર પકડવાની ઝુંબેશ દરમિયાન ગોરવામાં પોલીસ અને મહાપાલિકાની ટીમ પર પથરાવ. એક PSI, એક ગૌપાલક ઈજાગ્રસ્ત. પોલીસે હોબાળો મચાવતા ગૌપાલક પર કર્યો હળવો લાઠીચાર્જ
વડોદરા પાલિકાની ઢોર પાંજરેની ઝુંબેશ
ગોરવામાં પોલીસ-પાલિકા ટીમ પર પથરાવ
એક PSI ઈજાગ્રસ્ત,એક ગૌપાલક ઈજાગ્રસ્ત
રાજ્યના મહાનગરોમાં રખડતા પશુઓ માટે ભાજપના પ્રદેશાધ્યક્ષ સી.આર.પાટીલે કરેલી ટીપ્પણી બાદ,મહાપ્લીકાની વહીવટી તંત્ર એકશનમાં આવી ગયું હતું. બીજી તરફ પોતાના પશુઓને બચાવતા ગૌપાલકો પણ પોતાના પશુઓ નાં પકડાય તેની તકેદારી રાખતા હોય છે.આવી જ એક ઘટનામાં વડોદરાના ગોરવા વિસ્તારમાં પોલીસ અને ગૌ પાલકો વચ્ચે ઘર્ષણ થયું છે. વડોદરા મહા પાલિકાની ટીમ ગોરવા વિસ્તારમાં પોલીસ પાર્ટી સાથે રખડતા ઢોર પકડવા પહોચી હતી. દરમિયાનમાં કેટલાક ગૌપાલકોએ આ ટીમ પર પથ્થરમારો કર્યો હતો. ગૌપાલકો પથ્થરમારો કરીને સંક્યુત ટીમના હાથમાંથી 12 ગાયો પણ છોડાવી ગયા હતા.
આ પથ્થરમારામાં ડી સ્ટાફના PSI કે.જી.ચાવડા થયા ઇજાગ્રસ્ત થયા છે. પોલીસ સાથે થયેલા ઘર્ષણમાં ગૌ પાલકને પણ ઈજા થતાં, ઇજાગ્રસ્ત ગૌ પાલકને માર્ગ પર મૂકી કર્યો હોબાળો મચાવ્યો હતો આ પરિણામે ગોરવા વિસ્તારમાં ટ્રાફિકનો ચક્કા જામ થઈ જતા વાહનચાલકો ભારે મુશકેલીમાં મુકાયા હતા. ગૌપાલકોના વિફરેલા ટોળાને વિખેરવા પોલીસએ હળવો લાઠીચાર્જ પણ કરવો પડ્યો હતો. પોલીસ અને મહાપાલિકા ની ટીમ પર પથરાવ અને હોબાળો મચાવવા બદલ પોલીસે બે ગૌપાલકોની અટકાયત કરી છે.