પ્રાણઘાતક હુમલો / છાતીમાં ગોળીઓ વાગ્યા બાદ ઓડિશાના હેલ્થ મિનિસ્ટરની સ્થિતિ ઘણી ગંભીર, ભુવનેશ્વર લઈ જવાયા 

• ઓડિશાના સ્વાસ્થ્ય મંત્રી પર જીવલેણ હુમલો
• કારમાંથી ઉતરતા જ ASIએ મારી ગોળી હતી 
• ગંભીર હાલતમાં એરલિફ્ટ કરીને ભુવનેશ્વર લઈ જવાયા 

ઓડિશાના સ્વાસ્થ્ય મંત્રી નબ કિશોર દાસ પર રવિવારે બ્રજરાજનગરમાં એક ASI દ્વારા ફાયરિંગ કરવામાં આવ્યું હતું.પોલીસે પુષ્ટિ કરી કે, બે ગોળી મારવામાં આવી હતી. જે બાદમાં હવે તેમની હાલત ગંભીર હોઇ તાત્કાલિક એરલિફ્ટ કરીને ભુવનેશ્વર લઈ જવામાં આવ્યા છે. ક્રાઈમ બ્રાન્ચે આ મામલે તપાસ શરૂ કરી છે. અહીં સીએમ નવીન પટનાયક નબ દાસની હાલત જાણવા હોસ્પિટલ ગયા હતા.

ઓડિશાના સ્વાસ્થ્ય મંત્રી નબા દાસ પર ઝારસુગુડા જિલ્લાના બ્રિજરાજનગર પાસે હુમલો થયો છે. તેમને ગાંધી ચોક પાસે એક પોલીસકર્મીએ ગોળી મારી હતી. જે બાદ તેમને ગંભીર હાલતમાં હોસ્પિટલમાં દાખલ કરવામાં આવ્યા છે. સ્વાસ્થ્ય મંત્રી એક કાર્યક્રમમાં હાજરી આપવા જઈ રહ્યા હતા.

Odisha | An ambulance carrying State Health Minister Naba Das leaves for a private hospital from Bhubaneswar airport

He was airlifted to Bhubaneswar after he was shot at by one police personnel near Brajarajnagar in Jharsuguda district today. pic.twitter.com/ahae6zLacr

— ANI (@ANI) January 29, 2023

સ્વાસ્થ્ય મંત્રીને હોસ્પિટલમાં દાખલ કરાયા
કાર્યક્રમમાં હાજરી આપવા પહોંચેલા સ્વાસ્થ્ય મંત્રી જ્યારે તેમની કારમાંથી બહાર નીકળ્યા ત્યારે ASIએ તેમના પર ફાયરિંગ કર્યું હતું. જોકે, પોલીસ કર્મચારીએ તેમના પર ફાયરિંગ કેમ કર્યું, તેનું કારણ હજુ સુધી બહાર આવ્યું નથી. ઘટના બાદ સ્વાસ્થ્ય મંત્રીને હોસ્પિટલમાં દાખલ કરવામાં આવ્યા છે. આ ઘટના બાદ બીજેડી કાર્યકર્તાઓ ધરણા પર બેસી ગયા છે, જે બાદ ઘટનાસ્થળે તણાવ વધી ગયો છે.  

EXCLUSIVE | VIDEO: #Odisha Health Minister Naba Das was shot by an ASI at Gandhi Chowk in Jharsuguda today. He was immediately taken to the local hospital and later brought to Bhubaneswar's Apollo Hospital in critical condition via an air ambulance. (Disturbing visuals) #NabaDas pic.twitter.com/CbhWbs7Svm

— Press Trust of India (@PTI_News) January 29, 2023

નજીકથી મારવામાં આવી છે ગોળી
એવું માનવામા આવી રહ્યું છે કે, નબા દાસ પર આ હુમલો પૂર્વ નિયોજીત હતો, કેમ કે મંત્રીને કથિત રીતે નજીકથી ગોળી મારવામાં આવી છે. આ ઘટનાએ ફરી એક વાર સુરક્ષાને લઈને ગંભીર સવાલો ઊભા કર્યા છે. કેમ કે નબા દાસને પોલીસ સુરક્ષા પણ આપવામાં આવી હતી.

સ્વાસ્થ્ય મંત્રીની હાલત ખૂબ જ ગંભીર
ઓડિશાના કેબિનેટ મંત્રી પર ફાયરિંગ કરનાર પોલીસકર્મીની ઓળખ ગોપાલ દાસ તરીકે થઈ છે, જે ગાંધી ચોકમાં ASI તરીકે તૈનાત હતા. મળતી માહિતી મુજબ, ASI ગોપાલ દાસે પોતાની રિવોલ્વરમાંથી નબા દાસ પર 4થી 5 રાઉન્ડ ફાયરિંગ કર્યું હતું. નબા દાસની હાલત ખૂબ જ ગંભીર છે, તેમને એરલિફ્ટ કરીને ભુવનેશ્વર લઈ જવામાં આવી રહ્યા છે. 

આ ઘટનાથી અમને આઘાત લાગ્યો છેઃ બીજેડી નેતા
બીજેડીના સિનિયર નેતા પ્રસન્ના આચાર્યએ કહ્યું કે, ફોન પર સમાચાર મળ્યા પછી અમે સંપૂર્ણ રીતે ચોંકી ગયા છીએ. આ ફાયરિંગમાં કોણ સામેલ છે અને શા માટે કરવામાં આવ્યું તે કહેવું વહેલું ગણાશે. તેઓ જલદીથી સાજા થઈ જાય એવી અમે પ્રાર્થના કરીએ છીએ. અમે આ ઘટનાની નિંદા કરીએ છીએ. પોલીસ ઝીણવટભરી તપાસ કરશે. 

કોણ છે નબા કિશોર દાસ? 
નબા કિશોર દાસ ઓડિશાના ઝારસુખડા જિલ્લાના પ્રભાવશાળી નેતા છે. તેઓ પહેલા કોંગ્રેસમાં હતા, જે બાદ તેઓ બીજૂ જનતા દળમાં જોડાયા હતા. નવીન પટનાયકે તેમની સરકારમાં આરોગ્ય વિભાગ જેવો મોટો વિભાગ તેમને સોંપ્યો છે.