બુટલેગર પાસે 50 હજાર માંગનાર હેડ કોન્સ્ટેબલ મુનાફની વડોદરા ખાતે તાત્કાલિક બદલી, જિલ્લા પોલિસ વડા સુધીર દેસાઈએ બદલીનો કર્યો આદેશ
વડોદરા ગ્રામ્ય પોલીસની હપ્તાખોરીનો મામલો
વીડિયો વાયરલ થતાં વડોદરા ગ્રામ્ય પોલિસ વડા એક્શનમા
બુટલેગર પાસે 50 હજાર માંગનાર હેડ કોન્સ્ટેબલની બદલી
બુટલેગર પાસે 50 હજાર માંગનાર હેડ કોન્સ્ટેબલની તાત્કાલિક બદલી કરવામાં આવી છે. હેડ કોન્સ્ટેબલ મુનાફની વડોદરા ખાતે તાત્કાલિક બદલી કરાઇ છે જિલ્લા પોલિસ વડા સુધીર દેસાઈએ બદલીનો આદેશ કર્યો છે.
વીડિયો વાયરલ થતાં વડોદરા ગ્રામ્ય પોલિસ વડા એક્શનમા
મહત્વનું છે કે વડોદરા ગ્રામ્ય પોલીસની બુટલેગર પાસેથી હપ્તાખોરીનો મામલો સામે આવ્યા બાદ પોલીસ તંત્ર હરકતમાં આવ્યું હતું, બુટલેગર પાસેથી કેસ ન કરવા મુદ્દે એક ઓડિયો વાયરલ થયો હતો જેમાં પાદરા પોલીસ સ્ટેશનના હેડ કોન્સ્ટેબલ મુનાફે બુટલેગર પર કેસ ન કરવા લાંચ માગી હતી. હેડ કોન્સ્ટેબલે બુટલેગર પાસે 50 હજારની માગ્યા હતા જેનો ઓડિયો વાયરલ થતા પોલીસ તંત્રમાં ખળભળાટ મચી ગયો હતો.
બુટલેગર પાસે 50 હજાર માંગનાર હેડ કોન્સ્ટેબલની બદલી
ઉલ્લેખનિય છે કે બે દિવસ પહેલા બુટલેગર ઓસિફની દારૂની 7 બોટલ ઝડપાઈ હતી ત્યારે દારૂનો કેસ ન કરતા એક ઓડિયોમાં કોન્સ્ટેબલ તું સાહેબને આવીને મળી જા અને 50 હજાર હશે તો જ કામ થશે તેવું પણ કોન્સ્ટેબલ કહી રહ્યો છે. આ સમગ્ર હકીકત બહાર આવ્યા બાદ જિલ્લા પોલીસ વડા સુધીર દેસાઈએ હેડ કોન્સ્ટેબલ મુનાફની બદલી કરી દીધી છે.