ગુજરાત હાઈકોર્ટના દ્વાર ખખડાવતા એક અરજદારની જાહેર હિતની અરજી. શહેરોમાં વાયુ પ્રદુષણ વધતા લોકોનું આરોગ્ય જોખમમાં મુકાયુ હોવાની અરજી. હાઈકોર્ટે અરજીને ગણાવી ગંભીર
કોલસાની અછત અને વાયુ પ્રદૂષણ મુદ્દે અરજી
ગુજરાત હાઈકોર્ટે ગણાવી ગંભીર બાબત
29 ઓક્ટોબરે હાઈકોર્ટ કરશે સુનાવણી
દેશમાં કોલસાના સંકટના કારણે વીજ સંકટનું જોખમ તોળાઈ રહ્યું છે દરમિયાન કેન્દ્ર સરકારે કહ્યું કે, અલગ-અલગ રાજ્યો પાસેથી મળીને કોલ ઇન્ડિયાનાં લગભગ 20 હજાર કરોડ રૂપિયા બાકી છે.જેમાં કર્ણાટક,મધ્યપ્રદેશ રાજસ્થાન અને પશ્ચિમ બંગાળ સાથે તામીલનાડુ મુખ્ય છે. આ વચ્ચે, ગુજરાત હાઈકોર્ટમાં પણ કોલસાની અછત અને પ્રદુષણ મુદ્દે અરજી કરાતા,હાઈકોર્ટે સંજ્ઞાન લઇ આ બાબતને ગંભીર ગણાવી છે.
કોલસાની અછત-પ્રદૂષણ ગંભીર
દેશના કેટલાક રાજ્યોમાં કોલસાની અછતને લઈને તોલાયેલા વીજ સંકટની વાત વહેતી થયા પછી,ગુજરાતમાં પણ વીજકાપ મંડરાઈ રહ્યો હોવાની વાત વહેતી થઇ હતી. ત્યારે એક અરજદારે ગુજરાત હાઈકોર્ટના દ્વારા ખખડાવી મહાનગરો, શહેરોમાં વાયુ પ્રદુષણ વધતા લોકોનું આરોગ્ય જોખમમાં મુકાયુ હોવાની અરજી કરી હતી. હાઈકોર્ટે પણ અરજીને જાહેર હિતની અરજી ગણાવી, કોલસાની અછત અને વાયુ પ્રદુષણની વધતી માત્રાને ગંભીર ગણાવી હતી.
ગુજરાતમાં કોલસાની અછત અને વાયુ પ્રદૂષણની વધતી માત્રાની અરજી કોર્ટે સ્વીકારતા, બાબતે ગંભીર ગણાવી,આગામી સુનાવણી 29 ઓક્ટોબરે મુકરર કરી છે.
દેશમાં કોલસાના સંકટનું એક અન્ય કારણ પણ સામે આવ્યું છે તે મુજબ,માર્ચ -2021માં કોલસાની આયાતી કિમત 4200 પ્રતિ ટન હતી જે ઓક્ટોબરમાં વધીને 11,520 પ્રતિ ટન થઇ .આ પરિણામે વીજ વ્યવસ્થા ડગમગી જવા પામી છે