સુરક્ષા / નવરાત્રીમાં મહિલાની છેડતી કરવી પડી ભારે, પોલીસની સુરક્ષા ટીમે 55 રોમિયોને ઝડપી પાડ્યા

• નવરાત્રીની ગત રાત્રીએ શહેરમાંથી 55 જેટલા રોમિયો પકડાયા
• 11 રોમિયોની ધરપકડ કરવામાં આવી હતી
• મહિલાની સુરક્ષા માટે પોલીસ ચણીયાચોળી પહેરી ગરબે ધૂમી

નવરાત્રીમાં મહિલાઓની સુરક્ષા માટે રહેલી સ્થાનિક પોલીસની  'she' ટીમ અને મહિલા ક્રાઇમ બ્રાન્ચની 'રક્ષક' ટીમ દ્વારા ચણીયાચોળી અને સિવિલ ડ્રેસમાં અસામાજિક તત્વો પર નજર રાખવામાં આવી હતી. આ દરમિયાન કોઇ ગરબા પાર્ટી પ્લોટ કે પછી જાહેર જગ્યાએ અશ્લિલ હરકત કરતાં, મહિલાઓ પર ટિપ્પણી કરતાં કે પછી છેડતી કરતાં જણાયેલા 55 થી વધુ રોમિયો નવરાત્રીની ગત રાત્રી દરમિયાન પકડ્યા હતાં. જેમાંથી 11 રોમિયોની ધરપકડ કરવામાં આવી હતી. આ 11 પૈકીનાં 2 રોમિયો મહિલા ક્રાઇમ બ્રાંચ, 1 વાડજ, 3 સાબરમતી રિવરફ્રન્ટ અને 3 ઇસનપુર પોલીસ સ્ટેશનનમાં પકડાયા હતા. આ ઉપરાંત મણીનગર પોલીસે 2 રોમિયોને ઝડપી પાડ્યા હતાં.

મહિલાની સુરક્ષા માટે 62થી વધારે ટીમ છે કાર્યરત
નવરાત્રી દરમિયાન 48 જેટલી 'she' જ્યારે મહિલા ક્રાઇમ બ્રાન્ચની 14 'રક્ષક' ટીમ દ્વારા આખી રાત પેટ્રોલિંગ કરી મહિલાની છેડતી કરનારા રોમિયોને પકડ્યાં હતાં. આ ઉપરાંત આ બન્ને ટીમની સપોર્ટ સિસ્ટમ બનેલા પોલીસ કન્ટ્રોલ રુમ અને  PCR વાનના સ્ટાફના કોઓડિનેશનતી આ આખી કામગીરી કરવામાં આવી હતી.