મુંબઈ ઈન્ડિયન્સના ઓલરાઉન્ડર કુણાલ પંડ્યાની અઘોષિત સોનું અને અન્ય કિંમતી ચીજો રાખવા બદલ ડિરેક્ટોરેટ ઓફ રેવેન્યુ ઇન્ટેલિજન્સ ( DRI ) દ્વારા મુંબઇ એરપોર્ટ પર અટકાયત કરવામાં આવી હતી.
કુણાલ પંડયાની મુંબઈ એરપોર્ટ પર કરાઇ અટકાયત
ગેરકાયદે સોનું અને અન્ય કિંમતી વસ્તુઓ લાવતો હોવાની હતી શંકા
IPL માં મુંબઈ તરફથી રમે છે પંડયા બ્રધર્સ
મુંબઈ ઈન્ડિયન્સ ના ઓલરાઉન્ડર કુણાલ પંડ્યાને દુબઈથી પરત ફર્યા બાદ ગુરુવારે મુંબઇ એરપોર્ટ પર ડિરેક્ટોરેટ ઓફ રેવન્યુ ઇન્ટેલિજન્સ ( DRI ) દ્વારા અટકાવાયો હતો. કુણાલને UAE થી અજાણ્યા સોના અને અન્ય કિંમતી ચીજવસ્તુઓ લઈ જવાના આરોપમાં અધિકારીઓ દ્વારા અટકાવવામાં આવ્યો હતો. તે મુંબઈ ઈન્ડિયન્સની ટીમમાં સામેલ હતો જેણે ફાઈનલમાં દિલ્હી કેપિટલ્સને હરાવીને મંગળવારે IPL 2020 નો ખિતાબ જીત્યો હતો.
DRI કરી રહી છે પૂછપરછ
સમાચાર એજન્સી એએનઆઈ મુજબ, DRI સૂત્રોએ માહિતી આપી હતી કે કુણાલ ને DRI અધિકારીઓ દ્વારા અજાણ્યા સોના અને અન્ય કિંમતી ચીજવસ્તુઓ હોવાની શંકાના આધારે રોકીને પૂછપરછ કરવામાં આવી હતી. નિયમો મુજબ દુબઈથી ભારત જતા પુરુષ મુસાફરો પોતાની સાથે માત્ર 20 ગ્રામ જેટલું સોનું લઇ શકે છે. ડયુટી ફ્રી તરીકે સોનામાં 50,000 રૂપિયાથી વધુનો ખર્ચ માન્ય નથી.
બીજી તરફ, મહિલા મુસાફરો 40 ગ્રામ સુધીના સોનાના ઝવેરાત લઇ શકે છે જેની કિંમત 1 લાખ રૂપિયાથી વધુ ન હોવી જોઈએ. અહેવાલો મુજબ, DRI અધિકારીઓ દ્વારા કૃણાલની પૂછપરછ કરવામાં આવી રહી છે અને જે પણ વધારાની ચીજ વસ્તુઓ તેમની પાસેથી બરામદ થશે તે માટેના જરૂરી કાગળિયા કે દસ્તાવેજ તેમની પાસેથી માંગવામાં આવશે.
2016થી IPL આ મુંબઈ ઈંડિયંસ નો ભાગ છે કુણાલ પંડયા
કૃણાલ 2016 ની સીઝનથી IPL માં મુંબઈ ઈન્ડિયન્સ ની ટીમ માટે રમતો આવ્યો છે. પાંચ વખતની ચેમ્પિયન મુંબઈ ઈંડિયંસ ટીમ માટે તે એક મુખ્ય ખેલાડી રહ્યો છે અને વર્ષોથી તેમની સફળતામાં મુખ્ય ભૂમિકા નિભાવી છે. મંગળવારે IPL 2020 ની સમાપન બાદ કુણાલ અને અન્ય મુંબઈ ખેલાડીઓ બુધવારે દુબઇથી ભારત જવા રવાના થયા હતા.
તેણે IPL 2020 માં મુંબઈ ઈન્ડિયન્સ તરફથી તમામ 16 રમતો રમી, જેમાં 109 રન બનાવ્યા અને છ વિકેટ ઝડપી. જ્યારે તેના ભાઇ હાર્દિક પંડ્યાને ઓસ્ટ્રેલિયા સામેની આગામી સીરીઝ માટે ભારતની વનડે અને ટી 20 ટીમમાં સ્થાન આપવામાં આવ્યું છે, જ્યારે કુણાલ પંડયાને સ્થાન મળ્યું નથી.