ધારાસભ્યએ સ્થાનિક નેતાઓ અને કાર્યકરો સાથે 450થી વધુ રાશનિંગના ફોર્મના પોટલા ભરી પ્રાંત કચેરી સુધી રેલી યોજી પ્રાંત અધિકારીને અર્પણ કર્યા ફૉર્મ
સોમનાથના ધારાસભ્ય વિમલ ચુડાસમાનો અનોખો વિરોધ
વિમલ ચુડાસમા રેશનકાર્ડના ચાર પોટલા લઇ નાયબ કલેક્ટર પાસે પહોંચ્યા
રેશનકાર્ડ હોવા છતાં અનાજ ન મળતુ હોવાની ધારાસભ્યની ફરિયાદ
સરકાર ફૉર્મમાં સિક્કા મારી અનાજ નહિ આપે તો ઉગ્ર આંદોલનની ચીમકી
વેરાવળમાં આજે કોંગ્રેસના ધારાસભ્ય વિમલ ચુડાસમા રેશનકાર્ડના ચાર પોટલા લઇ નાયબ કલેક્ટર પાસે પહોંચ્યા હોવાનું સામે આવ્યું છે. વિગતો મુજબ રેશનકાર્ડ હોવા છતાં અનાજ ન મળતુ હોવાની ફરિયાદને લઈ ધારાસભ્ય સ્થાનિક નેતાઓ અને કાર્યકરો સાથે 450થી વધુ રાશનિંગના ફોર્મના પોટલા ભરી વેરાવળ પ્રાંત કચેરી સુધી રેલી યોજી પ્રાંત અધિકારીને અર્પણ કર્યા હતા. ધારાસભ્ય દ્વારા આક્ષેપ કરવામાં આવ્યો છે કે, રેશનકાર્ડ હોવા છતાં અનાજ ન મળતુ હોવાને કારણે અનેક વાર રજૂઆત કરવા છતાં કોઈ પરિણામ આવ્યું નથી.
ધારાસભ્ય વિમલ ચુડાસમાનો અનોખો વિરોધ
સોમનાથના ધારાસભ્ય વિમલ ચુડાસમાએ આજે અનોખી રીતે વિરોધ પ્રદર્શન કર્યું હતું. વિગતો મુજબ ધારાસભ્ય વિમલ ચુડાસમા પોતાની ટાવર ચોક સ્થિત ઓફીસ ખાતેથી સ્થાનિક નેતાઓ અને કાર્યકરો સાથે 450થી વધું રાશનિંગના ફોર્મના પોટલા ભરી વેરાવળ પ્રાંત કચેરી સુધી રેલી યોજી પ્રાંત અધિકારીને અર્પણ કર્યા હતા. વિમલ ચુડાસમાના જણાવ્યા મુજબ કોરોના બાદ અનેક લોકોની પરિસ્થિતિ કથળી છે અને તે પૂરતું ભોજન મેળવી શકતા નથી. સરકારમાં આ સર્વેની રજુઆત કરી પરંતુ સરકારે સર્વે ન કરતા ધારાસભ્યએ પોતે સર્વે કરી શહેર અને ગ્રામ્ય વિસ્તારના 450થી વધુ ફોર્મ એકઠા કરી ડે.કલેકટરને સોંપ્યા હતા.
રેશનકાર્ડ હોવા છતાં અનાજ ન મળતુ હોવાની ધારાસભ્યની ફરિયાદ
ધારાસભ્ય વિમલ ચુડાસમાએ આક્ષેપ કર્યો છે કે, કોરોનાને કારણે લોકોની સ્થિતિ બગડી છે. આ તરફ રેશનકાર્ડ હોવા છતાં પણ લોકોને અનાજ નથી મળતું. જેને લઈ અનેકવાર રજૂઆત કરવામાં આવી છતાં કોઈ પરિણામ નહીં આવતા આજે વિમલ ચુડાસમાએ અનોખી રીતે વિરોધ કર્યો હતો. 450થી વધું રાશનિંગના ફોર્મ વધુ ફોર્મ એકઠા કરી પોટલા ભરી વેરાવળ પ્રાંત કચેરી સુધી રેલી યોજી પ્રાંત અધિકારીને અર્પણ કર્યા હતા. આ સાથે જો સરકાર આ ફૉર્મમાં સિક્કા મારી અનાજ નહિ આપે તો ઉગ્ર આંદોલનની ચીમકી પણ ઉચ્ચારી છે.