સુરતમાં પેટ્રોલ-ડીઝલ ઓછું મળવાની ફરિયાદ મળતા પેટ્રોકેમિકલ મંત્રી મુકેશ પટેલે પેટ્રોલ પંપ પર રાત્રિ દરમિયાન સરપ્રાઈઝ ચેકિંગ હાથ ધર્યું પેટ્રોલ ઓછું ડીઝલ મળતા પુરવઠા વિભાગને જાણ કરી
સુરતમાં પેટ્રોલ-ડીઝલ ઓછું મળવાની ફરિયાદ
જહાંગીરપુરમાં મંત્રી મુકેશ પટેલે જાતે કર્યું ચેકિંગ
ઓછું ડીઝલ મળતા પુરવઠા વિભાગને કરી જાણ
પેટ્રોલ પંપ પર પેટ્રોલ-ડીઝલમાં કટકી કરવામાં આવતી હોવાની અવાર નવાર ફરિયાદો ઉઠતી હોય છે. ગ્રાહક પેટ્રોલ ભરાવવા જાય ત્યારે ગ્રાહક કિંતમ કરતા ઓછુ પેટ્રોલ ફરી આપવામાં આવતું હોય છે. ત્યારે સરતના જહાંગીરપુરમાં પેટ્રોલ-ડીઝલ ઓછું મળતું હોવાની ફરિયાદ સામે આવી છે.
સુરતમાં પેટ્રોલ-ડીઝલ ઓછું મળવાની ફરિયાદ
પેટ્રોલ સંચાલકો દ્વારા ગ્રાહકોને છેતરવારો મામલો સામે આવ્યા બાદ ગ્રાહકની ફરિયાદને લઈને ખુદ પેટ્રોકેમિકલ મંત્રી મુકેશ પટેલે પેટ્રોલ પંપ પર રાત્રિ દરમિયાન સરપ્રાઈઝ ચેકિંગ કર્યું હતું. પેટ્રોકેમિકલ મંત્રી મુકેશ પટેલ પોતાની કાર લઇને જાતે ડીઝલ ભરાવા ગયા અને ચેકિંગ કર્યું હતું જે દરમિયાન ડીઝલ ઓછું ભરાતા મંત્રી મુકેશ પટેલે પુરવઠા વિભાગને જાણ કરી હતી જે બાદ પુરવઠા વિભાગ દ્વારા પંપ સીલ કરી વધુ તપાસ હાથ ધરવામાં આવી છે.
જહાંગીરપુરમાં મંત્રી મુકેશ પટેલે જાતે કર્યું ચેકિંગ
આ અંગે પેટ્રોકેમિકલ્સ મંત્રી મુકેશ પટેલે કહ્યું કે જો કોઈ ફરિયાદ હોય તો સીધો જ મને સંપર્ક કરો, આ ઘટના બાદ મંત્રી મુકેશ પટેલે રાજ્યના તમામ પેટ્રોલ-ડીઝલ પંપ પર ચેકિંગ કરવાના આદેશ આપ્યા છે. પેટ્રોલ-ડીઝલ પંપની સાથે CNG પંપનું પણ ચેકિંગ કરવામાં આવશે.