ઝાટકણી / ખેડૂતોને ત્રણ ત્રણ વર્ષથી વળતર નથી ચૂકવ્યું, સરકારી બાબુઓનો પગાર રોકશો તો ખબર પડશે: હાઇકોર્ટે તતડાવ્યા

• હાઈકોર્ટે સરકારી બાબુઓની ઝાટકણી કાઢી 
• ખેડૂતોને વળતર ચુકવતા સરકારી અધિકારીઓને ઝાટક્યા 
• કહ્યું સરકારી અધિકારીઓનો પગાર વધારો રોકો તો ખ્યાલ આવશે 

ખેડૂતોના પાકમાં જે પણ નુકશાન થતું હોય છે. તે માટે સરકાર દ્વારા તેમને સહાય પેટે વળતર ચૂકવવામાં આવે છે. પરંતું તેમ છતા તેમના સુધી વળતરની રકમ નથી પહોચતી જેથી આ મામલે આજે ગુજરાત હાઈકોર્ટે લાલ આંખ કરી હતી. જેમા જે પણ સરકારી અધિકારીઓ કામ નતી કરી રહ્યા તેમની ઝાટકણી કાઢવામાં આવી હતી. 

પગાર વધારા પર રોક 

એસી કારમાં ફરકતા સરકારી અધિકારીઓની કોર્ટે ઝાટકણી કાઢતા કહ્યું કે સરકારી બાબુઓના પગાર વધારા પર રોક લગાવામાં આવે તો તેમને ખ્યાલ આવી જશે. સાથેજ હાઈકોર્ટ દ્વારા એવું પણ કહેવામાં આવ્યું કે જ્યારે અધિકારીઓનો પગાર વધારા પર રોક લગાવામાં આવશે ત્યારે તેઓ દોડતા થઈ જશે.

3 વર્ષથી ખેડૂતોને વળતર નથી ચૂંકવાયું

છેલ્લા 3 વર્ષથી ખેડૂતોને વળતર ચૂકવવામાં નથી આવ્યું જેથી આ મામલો હાઈકોર્ટ પહોચ્યો હતો. જેથી કોર્ટ દ્વારા સરકારી બાબુઓનો બરોબરનો ઉધળો લેવામાં આવ્યો. કારણકે કોર્ટ દ્વારાજ 3 વર્ષ પહેલા ખેડૂતોને વળતર ચૂકવવા માટે આદેશ આપવામાં આવ્યો હતો. પરંતુ કોર્ટના આદેશનો પણ તિરસ્કાર થઈ રહ્યો હતો જેથી આ મામલો કોર્ટમાં પહોચ્યો હતો. 

હાઈકોર્ટે સરકારી બાબુઓને તતડાવ્યા 

ઉલ્લેખનીય છે કે છેલ્લા 3 વર્ષથી ખેડૂતો તેમના હકના રૂપિયા નથી મેળવી શક્યા. જેમા સરકારી અધિકારીઓની બેદરકારીને કારણે તેમને રૂપિયા ન મળ્યા જેથી હાઈકોર્ટ દ્વારા આજે લાંલ આખ કરવામાં આવી હતી.